Ovoz a’zolari haqida qisqacha ma’lumot

Rezonatorlar nima?

Ovoz buklamlarining nafas bilan o‘zaro aloqasi natijasida vujudga kelgan tovushlar ovoz buklamlari osti va ustidagi bo‘shliqlar va to‘qimalar bo‘ylab tarqaladi. Qo‘shiq tovushining taxminin 80% o‘rab turgan to‘qimalar orqali o‘tayotganda yo‘q bo‘ladi, ularning tebranishigasarflanadi. Havo o‘tayotgan bo‘shliqlarda tovushlar okustik o‘zgarishga uchraydi, kuchayadi. Shuning uchun bu bo‘shliqlar rezonator deb yuritiladi. Yuqori va ko ‘krak rezonatorlar farqlanadi. Ovoz buklamlaridan yuqorida joylashgan barcha bo‘shliqlar yuqori rezonatorlar deyiladi. Bo‘g‘iz va ovoz bo‘shlig‘i nutq ovozlarini hosil qiladi, ovozni kuchaytiradi, uning tebranishiga ta’sir qiladi. Bosh rezonatorlar ovozni to‘g‘ri hosil qiluvchi ko‘rsatgich hisoblanadi. Ko‘krak rezonatori ovozga to‘la va hajmli jaranglilik baxsh etadi. Ko‘krak rezonatorini ortiqcha ishlatish jaranglilikni og‘irlashuviga, intonatsiyaning pasayishiga olib keladi.

Oddiy anatomiya

Boshlovchi uchun bu bobdagi material murakkab va zerikarli bo‘lishi mumkin. Shuning uchun anatomiya bilan bog‘liq aniq masalalarga faqat zaruriyat tug‘ilganda murojaat qilgan ma’qul. Ovoz va qo‘shiqni o‘rganishga birinchi qadam qo‘yayotganlarni quruq anatomik ma’lumotlar bilan qo‘rqitib qo‘yish yaxshi emas. Lekin bu qismning ham «alifbo» materialini talqin qilishda ahamiyati bor.