O‘zbek tili fonologiyasi va morfonologiyaSI

Affiks morfemalar tuzilishi 

 

O‘zbek tili affiks morfemalarining fonetik (fonologik) strukturasi ham o‘zak 

morfemalar  strukturasi  kabi  quyidagi  tiplarga  ega:  undosh  +  unli  +  undosh  (-qiz: 

yotqiz, -qar: boshqar), (unli) + undosh (-m: bolam, -im: boshim), undosh + unli (-

qi: chopqi, -gi: kuzgi), unli (-a: yasha, -i: boyi). Bulardan unli + undosh, ya’ni (G) 

S tipi o‘zak morfema auslautidagi fonema xarakteridagi (unli yoki undosh ekaniga) 

ko‘ra ikki variantli, ya’ni bir morfemalarning ikki allomorfi holida reallashadi: unli 

bilan  tugagan  o‘zak  morfemaga  S,  undosh  bilan  tugagan  o‘zak  morfemaga  GS 

varianti qo‘shiladi. 

Affiks  morfemalarni  shakllantiruvchi  unli  fonemalar  cheklangan.  Bunday 

morfemalar tarkibida faqat i, u, a, o fonemalarigina ishtirok etadi. E, o‘ fonemalari 

esa affiksal morfemalar tarkibida ishlatilmaydi. Shu bilan birga, affiks morfemalar 

fonetik  strukturasi  sifat  jihatidan  yetakchi  morfemaning  fonetik  strukturasiga 

bog‘liq bo‘ladi (bu haqda singarmonizm bahsida alohida ma’lumot beriladi).