Júz bası –– júz áskerdiń basshısı.
–– Biziki de sasqan úyrektiń jandalbas súńgip júrisi... Nókerlikke kelgende júz bası bolayın dep júrgen joq. Nigarxandı qutqaraman ba? –– degen bir qam dáme!
Kerege –– toǵay taldan yamasa jińishke qara taldıń qadasınan islengen qara úydiń qaptal bóleginiń bir bólegi.
... Keregeniń basın jaǵalap tutqan qızıl basqur menen aq basqurdıń ǵayrı naǵıshlarına mashqı etti.
Kóshki –– 1. Qayıqlardı, kemelerdi, paraxodlardı suwda irkiw ushın taslap qoyılatuǵın úsh tisli temir. 2. Baǵ ishinde dem alıw ushın islengen biyik orın.
Xan aqılgóyi menen biyik kóshkiniń basında otır edi.
Kúnlikshi shorı –– kúni ushın miynet haqı alıp jumıs islewshi, turaqlı kásibi joq, kún sayın jumıs isleytuǵın xızmetker.
Bir zańǵardi basqara almaysań zanǵar. Bilsen, ol seniń kúnlikshi shorıń ǵoy.
Qamıs qos –– qamıstan islengen waqıtsha jasaw ushın salınǵan arnawlı úy.
Qamıs qos dúzetip, aldı artına shıpta japqan úyler atawdıń sıyqın qashırsa, endi awılǵa aq basqurlı aq kiyizli otawlar keldi.
Qara bórik –– qara bas kiyim, qara qalpaq.
Jigit tórge shıǵıp maldasın qurdı. Qas-qabaǵın, moyın-basın sıypap, sıpayı tutımda otır. Ústinde qara beshpent, qara sım. Basında qara bórik...
Qaza –– qamıstan islengen balıq tutatuǵın qural.
Burınǵı úyler qamıstan qaza toqıp, balıq uslap, qus mıltıq penen tirishilik etse, endi girdikarlı xojalıqlar kelip, dáryanıń, kóldiń jaǵasına shıǵırın ornattı.
Otawdıń qazası kúnde maylansa, shıptalı shańıraqlar asım balıqqa záriw boldı.
Qazı –– adamlar ortasında kelispewshiliklerdi sháriyat nızamları tiykarında sheship beriwshi adam, sudya.
–– Qoysań-á! –– dep jekirindi. –– Mına qaǵazdı qazıǵa aparsa balań dúrreniń úlkenin onnan soń kóredi.
Qılısh –– urıs quralı, sámser.
–– Úyge barǵan soń, ana qoralardan adamǵa bir sırıqtan alıń. Nókerlerdiń qılıshı –– gedeylerdiń shoqmarı. Salıń urıstı.
Do'stlaringiz bilan baham: |