Qobdiysha –– ustalardıń quralların salatuǵın kishkene qutısha.
Ájiniyaz otawǵa kirip, kishkene qobdiyshanı aldı da, tórge shıǵıp otırdı. Onıń kitap salatuǵın sandıǵı usı qobdıysha.
Qorǵan –– dushpanlardıń qorǵanıw maqsetinde salınǵan bekinis.
Ájiniyaz beldarǵa kelgen adamlardan xabar alıw ushın tań azan menen qorǵan jaqqa ketti.
Qos aydaw –– gúnde menen jer súriw.
Dúnyaǵa shıqqanlı baydıń bir ógizin mayına alıp, bir mezgil qos aydap kórgenim joq.
Qurash –– shógirme, telpek. Altı aylıq yamasa bir jıllıq qozı terisinen tigilgen dóńgelek bas kiyim.
Gewgim túsiwden jigitler menen jigit aǵaları qurashların qaǵıp kiyip, sılanıp-sıypanıp, otırıspaǵa qaray kiyatır.
Qusbegi –– xannıń qarjı isleri menen shuǵıllanatuǵın wáziri.
Qusbegi qáhárli kózlerin biy, qazı baylarǵa alartıp edi, olar tunjırap qaldı.
Qus mıltıq –– qus awlaw quralı, mıltıqtıń bir túri.
Burınǵı úyler qamıstan qaza toqıp, balıq uslap, qus mıltıq penen tirishilik etse, endi girdikarlı xojalıqlar kelip, dáryanıń, kóldiń jaǵasına shıǵırın ornattı.
Máhrem –– Xanǵa járdemshi, aqılgóy.
Al xan láshkerin Qabıl máhrem basqardı, olardıń sanı hám quralı basım edi.
Meter –– xannıń xızmetkeri.
Keńesshiler Qutlımurat xandı ortaǵa alıp, jańa tártibin maqtastı. Qus begi meter, hákim, beglerge sheklenbegen dáreje huqıqı berildi.
Oraypek –– hayal-qızlar oramalınıń bir túri.
Tórge jaqın otırǵan sarı oraypekli qız basın kótergende qulaǵındaǵı gúmis monshaqlı sırǵası menen murnındaǵı altın árebegi jalt etti.
Otaw –– kóshpeli xalıqlardıń kóship-qonıwǵa qolaylanǵan turaq jayı, úyi.
Baydıń sıy qonaq kelgende ǵana shıǵaratuǵın gúmis samovarı otawdıń ortasına qoyıldı.
Pilte –– paxtadan shıyratılıp islengen zat, pilik.
Qolımdaǵı pilteni toltırıp alayiın shıǵaman, –– dedi.
Porxan –– pal ashatuǵın, oynap zikir salıp awırıwdı emleytuǵın adam.
Aynıǵan mollanıń aqıbeti porxan ya shayır boladı.
Do'stlaringiz bilan baham: |