O’zbekistan respublikasi

1.Baqlaw-sirtqi-sirttan baqlaw, ishki-o`zi baqlaw.
2.Soraw-juwap awizsha, jazba, erkin,
3.Testlar test-soraw-juwap, test-tapsirma,
4.Eksperiment tábiyiy, laboratoriyaliq.
Baqlawdiń bir neshe varianti bar.Sirtqi baqlaw- bul sirtinan tikkeley baqlaw arqali psixologiya hám adamniń minez-qulqi haqqinda maǵliwmat jiynaw usili. Ishki baqlaw yamasa o`zi baqlaw psixolog-izertlewshi o`zin qiziqtirǵan qubilisti sanasinda qalayinsha elesletetuǵin bolsa sol turisinda úyreniw máselesin maqset etkende qollaniladi. Psixolog tiyisli qubilislardi ishten qabil ete otirip olardi (misali, o`z obrazlarin, sezimlerin, oylarin, uayimlarin) baqlaydi yamasa oniń tapsirmasi menen introspektrlaw o`tkerip atirǵan basqa adamlardiń usinday maǵliwmatlarinan paydalanadi. Introspektsiyaniń házirgi kúndede o`z áhmiyetin saqlap qaldirǵan jetiskenliklerinen biri bul tuwridan-tuwri tikkeley baqlaw uqipliliǵi. Biraq bul usildiń kemshiligi de bar, bul alinǵan maǵliwmatlardiń sub`ektivligi, olardi tekseriw yamasa nátiyjelerdi tákirarlaw múmkinshiliginiń bolmawinda.
Soraw-juwapta (opros) adam o`zine berilip atirǵan bir neshe sorawlarǵa juwap beriw usili qollaniladi. Buniń bir neshe túrleri bolip, olardiń hár biriniń o`zine tán jetiskenlikleri hám kemshilikleri bar. Olardi ko`rip shiǵamiz.
Awizsha soraw-juwapti juwap beriwshi adamniń sol waqittaǵi o`zin uslap tutiwi hám reaktsiyasin baqlaw kerek bolǵanda qollaniladi. Soraw-juwaptiń bul túri jazbaǵa qaraǵanda adam psixologiyasina tereńirek kiriw múmkinshiligin beredi, biraq ol arnawli tayarliq, Oqıw hám álbette izertlewdi o`tkeriw ushin ko`p waqitti talap etedi. Awizsha soraw-juwap o`tkergende juwap beriwshiniń juwaplari hám soraw beriwshi adamniń shaxsina hám juwap beriwshiniń jeke o`zgesheliklerine baylanisli.
Jazba soraw-juwap ko`birek adamdi qamtiw múmkinshiligin beredi. Oniń keń tarqalǵan formasi-anketa. Biraq onińkemshiligi, anketani qollana otirip juwap beriwshiniń reaktsiyasin aldinnan bilip, demek oni o`zgertip te bolmaydi.