O’zbekistan respublikasi

Erkin soraw-juwap-awizsha hám jazba soraw-juwaptiń bir túri, bunda berilip atirǵan sorawlar hám múmkin bolǵan juwaplardiń dizimi aldinnan sheklenbegen. Bunday usildaǵi soraw-juwapta izertlew taktikasin, berilip atirǵan sorawlar mazmunin o`zgertiw hám olarǵa standart bolmaǵan juwaplar aliw múmkin. O`z gezeginde standartlastirilǵan soraw-juwapta soraw hám kútilip atirǵan juwaplar aldinnan belgili, sonliqtan erkin soraw-juwapqa salistirǵanda waqit hám materialliq jaqtan tejemli.
Testlar psixodiagnostikaliq izertlewdiń arnawli usili esaplanadi, olardi qollana otirip úyrenip atirilǵan qubilistiń aniq sanliq hám sapaliq sipatlamasin aliwǵa boladi. Testtiń izertlewdiń basqa usillarinan o`zgesheligi sonnan ibarat bunda baslanǵish maǵliwmatlardi jiynaw hám qayta islewdiń aniq protsedurasi, sonday-aq olardiń sońǵiliqli interpretatsiyasi hár qiyli. Testlar járdeminde hár qiyli adamlardiń psixologiyasin o`z-ara salistiriw, differentsiyalanǵan hám salistirmali bahalar beriw múmkin.
Testlar varianti-soraw-juwap testi hám tapsirma test. Test-soraw-juwapta sorawlar aldinnan oylanǵan, iqsham saylap alinǵan hám tekserilgen sistemaǵa tiykarlanǵan bolip, olarǵa qaytarilǵan juwap boyinsha sinalip atirǵan adamniń psixologiyaliq qásiyetleri haqqinda pikir aytiwǵa boladi.
Tapsirma-testta adamniń ne islep atirǵanina qaray oniń minez-qulqi hám psixologiyasina baha beredi. Bunday tiptegi testta sinaliwshiǵa arnawli tapsirmalar túrkimi beriledi, olardi orinlap bolǵan soń, onda úyrenilip atirilǵan qásiyetlerdiń bar yamasa joq ekenligi, oniń rawajlaniw dárejesi haqqinda pikir júritedi. Soraw-juwap testi hám test-tapsirma hár qiyli jastaǵi hám mádeniyattaǵi, bilim dárejesi, kásibi, turmisliq tájiriybesi hár qiyli bolǵan adamlarǵa qollaniwǵa boladi. Bul oniń unamli tárepi. Al, kemshiligi bolsa sonnan ibarat, bunda sinalip atirǵan adam o`z qálewi boyinsha, ásirese eger ol testtiń qalay qurilǵanliǵi, oniń nátiyjeleri boyinsha oniń psixologiyasi hám minezqulqi qalay bahalanatuǵinliǵin bilse sanali túrde test nátiyjelerine tásir etiwi múmkin. (Bul kemshilik, o`zi qadaǵalawǵa tiykarlanǵan, yaǵniy so`z hám qiliqlar menen sanali túrde qadaǵalawǵa bolatuǵin izertlewdiń barliq usillarina tiyisli).
Sonday-aq, test-soraw-juwap hám test-tapsirma sinalip atirǵan adam o`zinde sonday psixologiyaliq qásiyet hám xarakteristikaniń bar ekenligin bilmegen, ańlamaǵan yamasa sanali túrde moyinlaǵisi kelmegen jaǵdaylarda qollanilmaydi. Misali, ko`plegen keri qásiyetler hám o`zin uslap-tutiw sebepleri. Eksperimenttiń eki túri bar- tábiyiy hám laboratoriyaliq.