Өзбекистан республикасының физикалық ҲƏм юридикалық шахслардың

Ал 
юридикалық 
шахстың 
мүрəжатында 
болса 
төмендегилер шəртли түрде көрсетилиўи тийис:
бириншиден, юридикалық шахстың толық аты;
екиншиден, оның жайласқан орны (почта мəнзили) туўралы 
мағлыўматлар;
үшиншиден, мүрəжаттың мазмуны баян етилген болыўы.
ПКниң 39-статьясына муўапық,
1
өз меншигинде, хожалық 
жүргизиўинде яки оператив басқарыўында өз алдына мал-
мүлкке ийе болған ҳəм өз миннетлемелери бойынша усы мал-
мүлк пенен жуўап беретуғын, өз атынан мүлклик яки жеке 
мүлклик емес ҳуқықларға ийе бола алатуғын, миннетлемелерди 
орынлай алатуғын, судта даўагер ҳəм жуўапкер бола алатуғын 
шөлкем юридикалық шахс болып есапланады. Юридикалық 
шахслар өз алдына балансына яки сметасына ийе болыўы ке-
рек.
Юридикалық шахс өзиниң шөлкемлестириў-ҳуқықый фор-
масын билдиретуғын атамасына ийе болады. Коммерциялық 
емес шөлкемлердиң, унитар кəрханалардың атамалары, нызам-
да нəзерде тутылған жағдайларда болса – басқа коммерциялық 
шөлкемлердиң атамалары да юридикалық шахс искерлигиниң 
характерин көрсетиўи керек.
Юридикалық шахстың жайласқан жери, егер нызамға 
муўапық юридикалық шахстың шөлкемлестириў ҳүжжетлеринде 
басқаша тəртип белгиленген болмаса, ол мəмлекетлик дизимнен 
өткерилген жер менен белгиленеди.
Юридикалық шахс өзи менен байланыс əмелге асырылатуғын 
почта мəнзилине ийе болыўы лазым ҳəм өзиниң почта мəнзили 
өзгергенлиги туўралы ўəкилликли мəмлекетлик органларын 
хабардар етиўи шəрт (ПКниң 46-статьясы).
2
Физикалық шахстың жасаў орны яки юридикалық шахстың 
жайласқан жери (почта мəнзили) ҳаққындағы мағлыўматлар 
1
Өзбекистан Республикасы Пуқаралық кодекси. –Т.: Адолат, 2012. – 23-б.
2
Өзбекистан Республикасы Пуқаралық кодекси. –Т.: Адолат, 2012. – 27-б.

---

41
кейнинен тийисли физикалық яки юридикалық шахсқа жуўап 
жибериў ямаса мүрəжаттың басқа мəнзилге жиберилгенин 
хабарлаў ушын зəрүр. Буннан тысқары, мүрəжатта олар менен 
байланысыў ушын телефонлар да көрсетилиўи көрсетилиўи 
мүмкин.
Мүрəжаттың тийкарғы бөлиминде физикалық яки 
юридикалық шахс билдирип атырған машқаланың мазму-
ны, илтимас ҳəм усыныслар ушын тийкар болатуғын ўəжлер, 
сондай-ақ, илтимаслар менен усыныслардың өзи баян етиледи.
Мүрəжатта баян етилген жағдайлар ҳəм талапларды 
тастыйықлаўшы ҳəр қандай ҳүжжетлер ҳəм материаллар яки 
ҳүжжетлердиң түп нусқалары қоса тигилип, олар қосымшалар 
дизиминде көрсетилиўи керек.
Түсиник берилип атырған Нызамның 16-статьясы үшинши 
бөлиминде көрсетилгениндей, мүрəжатқа ол бойынша бурын 
қабыл етилген бар қарарлар яки олардың көширме нусқалары, 
сондай-ақ, оны көрип шығыў ушын зəрүр болған басқа 
ҳүжжетлер қоса тигилиўи мүмкин, мүрəжат етиўши олар-
ды қайтарыў туўралы жазба арза берген жағдайлардан басқа 
ҳалатларда бул ҳүжжетлер қайтарылмайды. Мүрəжат тийис-
лилиги бойынша басқа мəмлекетлик органға жиберилгенде, 
көрсетип өтилген ҳүжжетлер оған қоса тигилиўи керек.
Жазба мүрəжатларды еки нусқада таярлаў абзалырақ 
болады – екинши нусқаға мүрəжатты қаабыл етип алған 
шахстың (əдетте, мəмлекетлик орган секретариатының яки 
канцеляриясының, пуқаралардың өзин өзи басқарыў органының 
хызметкери) имзасы қойылады.