Өзбекистан республикасының физикалық ҲƏм юридикалық шахслардың

3. Нызамда белгиленген басқа талапларға муўапық 
болмаған мүрəжатлар.
Мүрəжатлар мазмуны бойынша көрилместен қалдырылыўы 
мүмкин, егер:
бириншиден, мүрəжатлар конституциялық суд исле-
рин жүргизиў ҳаққындағы нызам ҳүжжетлерине, пуқаралық, 
пуқаралық-процессуал, хожалық-процессуал, жынаят-про-
цессуал нызам ҳүжжетлерине, ҳəкимшилик процесс тəртибин 
белгилеўши нызам ҳүжжетлерине муўапық көрип шығылыўы 
шəрт болса, ямаса нызам ҳүжжетлерине муўапық бундай 
мүрəжатларды бериў ҳəм көрип шығыўдың басқаша тəртиби 
белгиленген болса;
екиншиден, шағым бериў мүддети тийкарлы себеплерсиз 
өткерип жиберилген болса;
үшиншиден, арыз етиўши тəрепинен тəкирар мүрəжат, 
соның ишинде, мүрəжатларды дизимге алыў журналына кирги-
зилген мүрəжат берилген болып, бул мүрəжат əллеқашан маз-
муны бойынша көрип шығылған болса ҳəм тəкирар мүрəжатта 
оны мазмуны бойынша қайтадан көрип шығыў ушын əҳмийетли 
болған жаңа ҳалатлар жоқ болса.

---

114
IV бап. МҮРƏЖАТЛАРДЫ КӨРИП ШЫҒЫЎДА 
ФИЗИКАЛЫҚ ҲƏМ ЮРИДИКАЛЫҚ 
ШАХСЛАРДЫҢ ҲУҚЫҚЛАРЫ ҲƏМ 
МƏМЛЕКЕТЛИК ОРГАНЛАРДЫҢ МИННЕТЛЕРИ
IV баптағы берилген режелер менен мүрəжатларды көрип 
шығыўда физикалық ҳəм юридикалық шахслардың ҳуқықлары 
беккемленген.
Атап айтқанда, олар мүрəжат көрип шығылыўының барысы 
ҳаққында мəлимлеме алыў, мүрəжатты тексериў материаллары 
менен танысыў, қосымша материаллар усыныў, ең əҳмийетлиси – 
адвокат жəрдеминен пайдаланыў ҳуқықына ийе ҳəм т.б. (21-ст.).
IV баптың 23-статьясы менен мүрəжатты көрип шыққан 
мəмлекетлик органның миннетлери белгиленген. Бунда 
мəмлекетлик органға, оның лаўазымлы шахсларына мүрəжатты 
көрип шығыў нəтийжелери бойынша қабыл етилген қарардың 
орынланыўын қадағалаў ҳəм физикалық яки юридикалық 
шахсқа оның ҳуқықлары, еркинликлери ҳəм нызамлы мəплери 
бузылыўы нəтийжесинде келтирилген зыянның орнын қаплаў 
бойынша илажлар көриў миннети жүкленгенлиги айырықша 
қызығыўшылық туўдырады.