O‘zbekiston Respublikasi Bank-moliya akademiyasi

 
4. Boshqaruv qarorlari. Qarorni bajarilishini tashkil qilish. 
 
Qaror- bu bajarilishi mumkin bo‘lgan ishning aniq bir yo‘lini tanlab olishdir. Boshqacha 
qilib aytganda, qaror-bu u yoki bu yo‘lni tanlab olishda bir to‘xtamga kelish yoki qanday 
bo‘lmasin bir fikrga kelishdir. Bunday qarorlarni har birimiz bir kunda o‘nlab-yuzlab, bir umr 
davomida esa-ming-minglabini qabul qilamiz. Masalan, kimki jovonidagi qaysi bir kiyimni tanlab 
kiyish, taomnomadan qaysi bir turdagi ovqatni tanlash, manzilga yetib olishda qaysi bir turdagi 
transportni tanlash, qaysi bir kasbni tanlash va h.k. Bunday misollarni ko‘plab keltirish mumkin. 
Qaror qabul qilish zaruriyati mavjud holatining, bo‘lishi lozim bo‘lgan holat bilan mos 
tushmasligi natijasida yuzaga keladi. Masalan, davlat tomonidan qat’iy belgilab qo‘yilgan narx 
bozor iqtisodiyoti sharoitida o‘z funksiyasini bajara olmaydi. Shu sababli narxlarni 
erkinlashtirishga qaror qilinadi. 
Qaror qabul qilish imkoniyati bir necha muqobil (alternativa) paydo bo‘lganda vujudga 
keladi va rahbar ulardan birini, eng maqbulini tanlaydi. Qarorning eng samarali variantini topish 
uchun rahbar "yetti o‘lchab bir kes" tamoyiliga rioya qilish lozim. Puxta o‘ylab ish olib bormaslik 
qanchalik qimmatga tushishini quyidagi misoldan ko‘rish mumkin. 
Toshkent- Jizzax katta yo‘lini qayta sozlash uchun bir necha marta qaror qabul qilingan 
va davlatning yuz minglab so‘m mablag‘i bexuda sarflangan. Ilgari yo‘lning o‘rtasida bordyorli 
ajratish polasasi bor edi. Shundan keyin ma’lum masofada bordyorlarni olib tashlashga va 
asfaltlashga qaror qabul qilndi, bunga yuz minglab mablag‘ sarflandi. Bir qancha vaqt o‘tgandan 
keyin bordyorlar qayta tiklanib yo‘l ikkiga ajratildi va bu ishga yana yuz minglab pul sarf bo‘ldi. 
Yana bir oz o‘tgach, o‘ylama-netmay yo‘l o‘rtasini buzib, bir necha o‘nlab kilometr masofada 

---