O‘zbekiston respublikasi oliy va o‘rta maxsus ta’lim vazirligi alisher navoiy nomidagi toshkent davlat o‘zbek tili va adabiyoti universiteti

Tadqiqoq natijalarining amaliy ahamiyati va tadbiqi. Tadqiqotning amaliy 
ahamiyati shundaki, uning natijalarida darslik va qo‘llanmalar, shuningdek, maxsus 
kurs va tanlov fanlarining mazmun-mundarijasini yangi, ilmiy asoslangan metodlar 
bilan boyitishda muhim manba bo‘ladi. 
Ta’lim bosqichlarida darslik va dars ishlanmalari yaratishda amaliy material 
sifatida xizmat qiladi. Adabiyot o‘qitish metodikasini o‘rganishga bag‘ishlangan 
amaliy mashg‘ulotlarni o‘tkazishda tadqiqot materiallaridan unumli foydalanish 
mumkin bo‘ladi. 
 
 
 
 
 
 
 
 
 
 

---

I BOB. UZLUKSIZ TA’LIMDA INTEGRATSIYANING O‘RNI VA
AHAMIYATI 
1.1. Fanlararo integratsiya va uning ta’lim samaradorligida tutgan o‘rni 
Ta’lim tizimida adabiyot fani alohida ma’no va mazmun kasb etadi. Bugungi 
globallashuv jarayonida adabiyot o‘qitishning uslubiy va tashkiliy muammolari 
atroflicha o‘rganilib, qator yechimlari topilgan va amaliy tadbiq etib kelinmoqda. 
Mamlakatimizda olib borilayotgan davlat siyosati ham yosh avlodni shakllantirishda 
ta’lim-tarbiyaning uzviyligi hamda sifat va samaradorligini oshirishga qaratilgan. 
Shu bois uzluksiz ta’lim tizimida fanlararo integratsiya va uzviylikni ta’minlash 
muhim masalalardan biridir. Endi o‘quv jarayonini yangilangan dastur va standart 
talablariga javob beradigan zamonaviy darslar asosida tashkil etish davri keldi. 
Boshqacha qilib aytganda, zerikarli darslar o‘rniga qiziqarli darslarni tashkil 
etishga mas’uliyat bilan yondashadigan, kasbiy bilimdonlik, metodik mahoratga 
ega, mas’uliyatli, zamonaviy, interfaol pedagogik texnologiyani mukammal
o‘zlashtirib olgan, innovatsiyalar asosida ta’limni tashkil eta oladigan
o‘qituvchilarga talab oshib bormoqda. Ta’limda moddiy baza, standart, o‘quv 
rejalar, dastur va darsliklar qanchalik takomillashtirilmasin, kutilgan asosiy natijaga 
erishish, chuqur va puxta bilim berish, yuqori sifatdagi o‘zlashtirishga erishish 
bevosita nazariy va amaliy mashg‘ulotlarni olib boruvchi o‘qituvchining ijodkorligi, 
izlanuvchanligi, malakasiga pedagogik mahoratiga bog‘lanib qolaveradi, o‘quv-
biluv markazida esa o‘quvchi turmog‘ini taqozo etmoqda. 
O‘zbekiston Respublikasining Birinchi Prezidenti I.Karimov “Tarixiy
xotirasiz – kelajak yo‘q” asarida komil inson tushunchasiga aniq ta’rif berganlar. 
“Komil inson deganda biz, eng avvalo, ongi yuksak, mustaqil fikrlay oladigan,