|
1.3. Yonuvchan suyuqliklar bilan ishlash qoidalari
1. Yonuvchan erituvchilar (dietil efir, benzol, benzin, uglerod sulfid, spirt, atseton va b.) ni bir idishdan ikkinchi idishga olovdan uzoqda quyiladi, to’kib yuborish, qo’l yuvish chanog’iga to’kish va ish stolida ko’p miqdorda saqlash man etiladi.
2. Yonuvchan suyuqliklarni ochiq alangada yoki elektroplitkaga qo’yib qizdirish mumkin emas, bu maqsadda elektr bilan qizitiladigan suvli yoki moyli isitgichdan (hammomdan) foydalanish kerak.
3. Moyli isitgichni ishlatganda termometrdan foydalanish darkor. Moyni yonish haroratigacha qizdirish mumkin emas. Qizigan moyga suv yoki reaktsion aralashma tushishidan asrash lozim, aks holda moy sachrab yoki yonib ketishi mumkin.
4. Yong’in chiqsa barcha gaz kranlari berkitiladi, yonuvchan moddalar yong’indan uzoqqa olinadi va osoyishtalikka rioya qilinadi. Agar biror idish ichida - suyuqlik yongan bo’lsa, uning og’zi asbest yoki latta bilan zich yopiladi. Agar yonayotgan suyuqlik stolga to’kilib ketsa, uni qum, o’t o’chirgich kigiz, suyuqlik suvda erisa, suv bilan o’chirmoq darkor. Agar alanga o’chmasa, o’t o’chirgichdan foydalaniladi va o’t o’chirish komandasi (navbatchisi) chaqiriladi.
Do'stlaringiz bilan baham: |
