O‘zbekiston respublikasi oliy va o‘rta maxsus ta’lim vazirligi o‘rta maxsus, kasb-hunar ta’limi markazi j. R. Qulmuhamedov, K. M. Nazarov
Haydovchilar ishini yo‘nalishlarda nazorat qilishni tashkil etish
Download 2.72 Mb. Pdf ko'rish
|
True
- Bu sahifa navigatsiya:
- YTHning xizmat ekspertizasi
Haydovchilar ishini yo‘nalishlarda nazorat qilishni tashkil etish
ATXning harakat xavfsizligini ta’minlashga qaratilgan ish rejasidagi asosiy tabdirlardan biri, haydovchilar ishini va transport vositalaridan to‘g‘ri maqsadlarda foydalanilayotganligi haqida yo‘llarda nazorat qilishni tashkil etishdan iborat. Oxirgi vaqtlargacha bunday nazorat asosan ikki xil usul yordamida amalga oshirilayotgan edi: – harakatdagi avtomobillarda; – oldindan belgilab qo‘yilgan postlarda. Ma’lumki, bugungi kunda O‘zbekiston Respublikasida ham GPS (Global Positioning Sistem) tizimlaridan foydalanish yo‘lga qo‘yildi. GPS hozirgi zamon sun’iy yo‘ldosh monitoringi transport vositalarining ONLINE vaqtda qayerda va qanday harakatlanayotganligini aniqlab beradi. Hozirgi zamon GPS tizimlari haydovchilar butun ish kuni davomida nazorat ostida ekanliklarini bilshlari sababli boshqa yo‘nalishlarga o‘tib ketish ehtimolini kamaytiradi hamda ularning intizomining oshishiga ham olib keladi. Avtotransport sun’iy yo’ldosh monitoring tizimi avtomobil- larning harakatlanishini kuzatib borish bilan bir paytda, ularning yo‘nalishdan og‘ishi, favqulodda vaziyatlar vujudga kelib qolganida SMS orqali korxonaga xabar yuborishi mumkin. YTHning xizmat ekspertizasi YTHning xizmat ekspertizasi (xizmat surishtiruvi) haqidagi tushunchalar IX bobning 3-bo‘limida bayon qilingan edi. Bu bo‘limda YTHning xizmat ekspertizasiga yanada chuqurroq va har tomonlama yondashiladi. 161 YTH xizmat ekspertizasining asosiy maqsadi haydovchilar va ATXning boshqa xodimlari va bo‘limlari tomonidan harakat xavfsizligini ta’minlash bo‘yicha me’yorlar va qoidalar buzilishini aniqlashdan iborat. Avval aytib o‘tilganidek, xizmat ekpertizasida ATXning rahbari qatnashadi, ammo barcha amaliy ishlarni harakat xavfsizligi xizmatining xodimlari bajaradi. Xizmat ekspertizasi quyidagi tartibda o‘tkaziladi. ATX bo‘yicha navbatchidan YTH sodir etilganligi haqidagi xabarni olgan rahbar o‘zi yoki uning ko‘rsatmasiga binoan harakat xavfsizligi xizmatining xodimi hodisa sodir bo‘lgan joyga darhol yo‘l oladi. Agar YTH to‘g‘risida yo‘l harakati xavfsizligi boshqarmasi (YHXB) xabarsiz bo‘lsa, ularga xabar yetkaziladi. Hodisa sodir bo‘lgan joyga yetib kelgan YHXB xodimlari bilan xizmat ekspertizasi hamkorlikda o‘tkaziladi. Xizmat eks pertizasi bevosita quyidagi tartibda o‘tkaziladi: – agar YTH oqibatida jabrlanganlar bo‘lsa, ularga birinchi tibbiy yordam ko‘rsatiladi, so‘ng ularni shifoxonaga jo‘natiladi; – agar tez buziluvchi yuklar bor bo‘lsa, ularning buzilishini bartaraf etish choralari ko‘riladi; – agar harakat to‘xtab qolgan bo‘lsa, uni qayta tiklash masalasi hal etiladi. Buning uchun guvohlar ishtirokida transport vositasining hodisadan keyingi holati, tormoz izlari va boshqa ashyoviy dalillar va ularning joylari belgilab olinadi va ularni saqlash choralari ko‘rilgandan so‘ng transport vositalarini chetga olib, harakatni qayta tiklashga imkoniyat yaratiladi. YTHning sxemasi ma’lum bir tanlab olingan masshtabda chiziladi; – agar YTH yo‘l sharoiti va undagi kamchiliklar oqibatida sodir etilgan bo‘lsa, ekspertizani o‘tkazish uchun yo‘lning shu qismiga xizmat ko‘rsatuvchi yo‘l xo‘jaligining vakillari taklif etiladi. YTH bilan bog‘liq bo‘lgan barcha vaziyatlar o‘rganilib chiqilgandan so‘ng barcha qilingan ishlar va xulosalar YTHning xizmat ekspertizasi dalolatnomasini (akt) rasmiylashtirish bilan tugallanadi. 162 Aktda quyidagilar qayd etilgan bo‘lishi kerak: – xizmat ekspertizasini o‘tkazgan komissiya tartibi; – YTH haqida to‘liq ma’lumot; – yo‘l sharoiti haqidagi ma’lumotlar (yo‘lning geometrik o‘l- cham lari, yo‘l qoplamasining holati, ko‘rinish masofalari va hokazo); – haydovchilar haqida ma’lumotlar; – transport vositalari haqida ma’lumotlar; – YTH sodir bo‘lishiga olib kelgan omillar; – xulosa. Aktga ilova tariqasida hodisa sodir bo‘lgan joyni ko‘zdan kechirish bayoni, YTHning sxemasi, guvohlarning va ATX xodimlarining tushuntirish xatlari va ko‘rsatmalari kabilar ilova qilinadi. Bu akt asosida ATX rahbari har bitta YTHni jamoa orasida muhokama qiladi va kelgusida shunday YTHni bartaraf etish chora- tadbirlarini ishlab chiqadi. Download 2.72 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling