O‘zbekiston respublikasi oliy va o‘rta maxsus ta’lim vazirligi o‘zbekiston respublikasi qishloq xo‘jaligi vazirligi toshkent davlat agrar universiteti

«Mashina va asbob-uskunalarning ehtiyot qismlari» subschotida 
mashinalarning (tibbiyot, elektron-hisoblash va shu kabi) uskunalari, traktorlar, 
kombaynlar, transport vositalarining (motorlar, avtomobil shinalari, kamera va 
aylana shakldagi lentalar va shu kabilar) eskirgan qismlarini almashtirish va 
ta’mirlash uchun mo‘ljallangan ehtiyot qismlar hisobga olinadi.
«Boshqa tovar-moddiy zaxiralar» subschotida ilmiy-tadqiqot ishlari va 
laboratoriya sinovlari uchun uzoq muddat ishlatiladigan materiallar, shartnoma 
asosida bajariladigan ilmiy-tadqiqot ishlari uchun maxsus asbob-uskunalar, 
o‘stiruvdagi va boquvdagi chorva mollari, o‘quv, ilmiy va boshqa maqsadlarga 
mo‘ljallangan reaktivlar va ximikatlar, oyna va kimyoviy idishlar, metallar, elektr 
va radio materiallari, radiolampalar, fotobuyumlar, o‘quv dasturlari hamda 
qo‘llanma va ilmiy ishlarni nashr qilish uchun qog‘ozlar, tajriba qilinadigan 
hayvonlar hamda o‘quv maqsadlari va ilmiy-tadqiqot ishlari uchun mo‘ljallangan 
boshqa materiallar, shuningdek protez uchun ishlatiladigan qimmatbaho va boshqa 
tovar-moddiy zaxiralar hisobga olinadi. 
Tovar-moddiy zaxiralarni inventarlash – bu tovar-moddiy zaxiralarning 
haqiqatda mavjudligini aniqlash, ularning sotish sof qiymatini tasdiqlash va 
ularning but saqlanishini nazorat qilish maqsadida tashkilotlar tomonidan vaqti-
vaqti bilan, lekin yilda kamida bir marotaba tovar-moddiy zaxiralarni inventarlash 
o‘tkaziladi.

---

81 
7.1-mashq. O‘rmon xo‘jaligi tashkilotlari tovar-moddiy zaxiralar hisobini 
tashkil etish va aks ettirish 
7.1.1. Toshkent viloyati o‘rmon xo‘jaligi tashkiloti hisobot yili boshida balans 
moddalari bo‘yicha qoldiqlari quyidagicha: 
Boshqa Budjetdan tashqari mablag‘lari 10040000 ming so‘m, mol yetkazib 
beruvchilar va pudratchilar bilan hisob-kitoblar 158000 ming so‘m, noturar joy 
imoratlar 1265000 ming so‘m, qurilish materiallari 26000 ming so‘m, noturar joy 
imoratlarining eskirishi 15438 ming so‘m, mashina va jihozlarning eskirishi 16767 
ming so‘m, mehnat haqi bo‘yicha xodimlar bilan hisob-kitoblar 1132500 ming 
so‘m, boshqa Budjetdan tashqari daromadlar 9146190 ming so‘m, inventarizatsiya 
natijasida ortiqcha chiqqan mol-mulklar 78500 ming so‘m, mashina va jihozlar 
121500 ming so‘m, oziq-ovqat mahsulotlari 1565000 ming so‘m, Budjetdan 
tashqari pensiya jamg‘armasi bilan hisob-kitoblar 752605 ming so‘m, inventar va 
xo‘jalik jihozlari 1000000 ming so‘m, yagona ijtimoiy to‘lov bo‘yicha hisob-
kitoblar 1200000 ming so‘m, Budjetga to‘lovlar bo‘yicha Budjet bilan hisob-
kitoblar 2500000 ming so‘m, mashina va jihozlarning ehtiyot qismlari 982500 
ming so‘mni tashkil etadi. 
7.1.2. Sodir bo‘lgan xo‘jalik operatsiyalari: