O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti qalandar abduraxmonov, Samandar qurbonov

4-bob. MINGYILLIK DEKLARATSIYASI VA MINGYILLIK 
RIVOJLANISH MAQSADLARI 
4.1. Inson huquqlarining umumjahon deklaratsiyasi 
4.2. Inson huquqlari bo‘yicha xalqaro hujjatlar va standartlar 
4.3.Mingyillik rivojlanish maqsadlari va ularning inson 
taraqqiyotidagi ahamiyati 
4.4. Mingyillik rivojlanish maqsadlari monitoringini amalga 
oshirish uchun tanlangan indikator va vazifalar majmuyi 
4.5. Mingyillik rivojlanish maqsadlari monitoringini amalga 
oshirish uchun tanlangan vazifalar majmuyi 
4.6. Global va milliy mingyillik rivojlanish maqsadlarining 
ustuvorliklari, chaqiriqlari va imkoniyatlari 
 
4.1. Inson huquqlarining umumjahon deklaratsiyasi 
1948-yil 10-dekabrda Birlashgan Millatlar Tashkiloti Bosh 
Assambleyasining 217 A (III) rezolyustiyasi bilan “Inson huquqlari 
umumjahon deklaratsiyasi” qabul qilindi va e’lon qilindi. 
Umumjahon deklaratsiyasida 1789-yilgi Inson va fuqaro huquqlari 
deklaratsiyasidek, “Hamma odamlar o‘z qadr-qimmati hamda 
huquqlarida erkin va teng bo‘lib tug‘iladilar” (1-modda) deb e’lon 
qilindi. Shu bilan bir qatorda umumjahon deklaratsiyasida unga 
quyidagilar qo‘shib qo‘yilgan: “Har bir inson irqi, tana rangi, jinsi, tili, 
dini, siyosiy yoki boshqa e’tiqodlaridan, milliy yoki ijtimoiy kelib 
chiqishi, mol-mulki, tabaqasi yoki boshqa holatidan qat’i nazar ushbu 
Deklaratsiyada e’lon qilingan barcha huquq va erkinliklarga ega 
bo‘lishi zarur”
14
(2-modda).
Inson huquqlarining umumiy tamoyillari quyidagilardan iboratdir: 
• inson huquq va erkinliklari unga tug‘ilganidan mansub, davlat 
tomonidan taqdim etilmagan; 
• inson va fuqaro huquq va erkinliklarini tan olish, ularga rioya 
qilish va himoya qilish – davlatning majburiyatidir; 
• tenglik prinsipiga muvofiq huquq va erkinliklar hammaga va har 
bir kishiga teng taqdim etilgan; 
14
Инсон ҳуқуқлари бўйича халқаро шартномалар: тўплам. – Т.: Адолат, 2004. – 30-31 б. 

---

43