O‘zbekiston respublikasi oliy va o‘rta maxsus ta’lim vazirligi urganch davlat universiteti sharifzoda sardorbek o‘rozboy tabib o‘G‘li umumiy pedagogika

Nazorat uchun savollar:

1. 
   Ta’lim sohasidagi Davlat siyosatining asosiy tamoyillari mohiyatini izohlab bering.
   
2. 
   Ta’lim tizimi deb nimaga aytiladi?
   
3. 
   Uzluksiz ta’lim tizimi bosqichlarini sanab bering.
   
4. 
   Umumiy o‘rta ta’lim maktablari, akademik litsey va kasb-hunar kollejlarining asosiy vazifalari nimalardan iborat?
   
5. 
   Oliy ta’lim bosqichlari, ularning mohiyatini yoritib bering.
   
6. 
   Rivojlangan xorijiy mamlakatlarning ta’lim tizimi O‘zbekiston Respublikasi ta’lim tizimidan farq qiladimi? Farqli jihatlarni ko‘rsating.
   

16-Mavzu. Eng qadimgi davrlardan VII asrgacha ta’lim-tarbiya va pedagogik fikrlar.
Reja:
1. Pedagogika tarixi fanining maqsad va vazifalari.
2.Eng qadimgi yozma manbaalarda ta’lim-tarbiya masalalari.
3.Eng qadimgi davrlardan VII asrgacha ta’lim-tarbiya va pedagogik fikrlar.
Tayanch tushunchalar.
Komil inson tarbiyasi – bu ta’lim-tarbiya jarayoni orqali yo‘naltiriladi va pedagogika fani asosida unga ma’naviy-ma’rifiy asoslar yaratiladi.
Madaniy meros – ajdodlar tomonidan yaratilgan amaliy tajriba, axloqiy, ilmiy, tafakkuriy, diniy va ruhiy qarashlar, xalq madaniyati va ijodi kabi moddiy hamda ma’naviy boyliklar majmui.
Ma’naviyat – kishining ichki, ruhiy, axloqiy qiyofasi tushunchasi bo‘lib, ma’lum bir axloq me’yorlari, maromlari asosida yashash tarzi, umuman hayotdir.
Ma’rifat – (arabcha – bilmoq) ta’lim-tarbiya, iqtisodiy, siyosiy, falsafiy, diniy g‘oyalar majmui asosida kishilarning ong – bilimini, madaniyatini o‘stirishga qaratilgan faoliyat.
Qadriyat – bu qadr-qimmat ma’nosini anglatib, u inson uchun qadrli bo‘lgan barcha narsa va hodisalar (predmet va jarayonlar) majmuidir.
E’tiqod – bu shaxsning o‘z qarashlari, tamoyillari va dunyoqarashiga mos ravishda harakat qilishga undovchi anglanilgan ehtiyojlar sistemasidir.