O‘zbekiston respublikasi sportni rivojlantirish vazirligi jismoniy tarbiya va sport bo‘yicha mutaxassislarni qayta tayyorlash va malakasini oshirish instituti

Oyog‘ingni ho‘l qilma 
Maydonchaning bir tomonidagi stul yoki skameykalarda bolalar o‘tiradilar. 
Ulardan 2—3 qadam narida chiziq chizib qo‘yiladi. Chiziq oldida 4—5 ta o‘yinchi 
turadi. Maydonchaning qarama-qarshi tomonidagi har bir bolaga mo‘ljallangan 
stullarga bittadan bayroqcha qo‘yiladi. Chiziqdan 4—5 m nariga chiziq chiziladi. 
Bu botqoqlik bo‘ladi. Bolalar ikkitadan taxtacha oladilar. Bolalar taxtachalar 
ustidan asta-sekin, oyoqlarini xo‘l qilmasdan (taxtachalardan tashqariga oyoq 
bosmay) botqoqlikdan o‘tib, bayroqchalargacha borishlari kerak. 
Tarbiyachining signalidan keyin bolalar botqoqlikning yoniga yugurib kelib, 
birinchi taxtacha ustiga chiqadilar, keyin ikkinchi taxtacha ustiga hatlab o‘tadilar, 
so‘ngra orqada qolgan birinchi taxtachani yana oldinga qo‘yib, ustidan o‘tadilar va 
hokazo. Botqoqlikdan o‘tgach, o‘z bayroqchasiga birinchi bo‘lib еtib borgan va uni 
boshi ustida birinchi bo‘lib ko‘targan bola o‘yinda g‘olib hisoblanadi. 
Shundan keyin bu bolalar bayroqchani yana stullarga qo‘yib, ooqaga qaytib 
botqoqlikdan o‘tgach, taxtachalarni navbatdagi o‘rtoqlariga beradilar. O‘yin 
hamma bolalar botqoqlikdan o‘tib bo‘lmaguncha davom etadi. 
O‘rgimchak va pashsha 
O‘rgimchak yashaydigan in xonaning bir burchagida bo‘ladi, o‘rgimchak ini 
doira shaklida chizib qo‘yiladi. Tarbiyachi bolalardan bittasini o‘rgimchak qilib 
saylaydi, u inida turadi. Qolgan bolalar pashsha bo‘ladilar. Tarbiyachi signali 
bo‘yicha bolalar pashshaning uchishiga taqlid qilgan holda g‘uvillab yugurib, 
qo‘llarini silkitadilar. Tarbiyachi “O‘rgimchak”—deyi- shi bilan pashshalar o‘z 
joylarida qimirlamay qotib qoladilar, o‘rgimchak o‘z inidan chiqadi, agar biror 
bola qimirlasa, uni o‘z iniga olib kiradi. 
O‘rgimchak tarbiyachining signali bo‘yicha inidan 2—3 marta chiqadi. 
Shundan keyin tutilganlar sonini aniqlagach, tarbiyachi yangi o‘rgimchakni 
saylaydi. O‘yin yana davom ettiriladi. 
Pashshalar faqat tarbiyachining signalidan keyin uchishlari mumkin. 
«O‘rgimchak!» signalidan keyin pashshalar qimirlashi mumkin emas. 
Eslatma. O‘rgimchakning har bir chiqishi 10 sekunddan oshmasligi 
kerak, chunki bolalar bundan uzoq vaqt harakatsiz turishlari qiyin. O‘rgimchak 
hamma o‘yinchilarga e’tibor berishi kerak. O‘yinni yakunlashda biror marta ham 
o‘rgimchak iniga tushmagan bolalarni rag‘batlantirish kerak.