“To‘xta” o‘yini
O‘yinga tayyorlanish. O‘ynovchilar doira hosil qilib turadilar, o‘rtada
qo‘lida kichik to‘p ushlab boshlovchi turadi.
O‘yin tavsifi. Tarbiyachining ishorasi bo‘yicha u to‘pni yuqoriga otadi va
bolalardan kimnigdir nomini aytadi. Nomi aytilgan bola to‘pni ketidan, boshqalar
esa turli tomonlarga yuguradilar. Bola to‘pni ushlab olishi bilanoq baland ovoz
bilan “To‘xta!”-deydi. Barcha o‘ynovchilar buyruq yangrashi bilan joylarida tikka
to‘xtaydilar. Boshlovchi to‘pni o‘ziga yaqin turgan bolaga tegizishga harakat
qiladi. Agar boshlovchi tekkiza olmasa, u yana to‘p ketidan yugurib ketadi,
o‘ynovchilar esa tarqalib yuguradilar. Boshlovchi to‘pni qo‘liga olgan zamonoq
“To‘xta!” deb buyruq beradi va to‘pni kimgadir tekkizishga harakat qiladi. To‘p
tekkan bola boshlovchi bo‘lib hisoblanadi va o‘yin davom ettiriladi.
“Safda turib to‘p uzatish”
O‘yinga tayyorlanish. O‘ynovchilar uch qator bo‘lib saflanadilar, safda
birinchi bo‘lib turganlarning qo‘lida bittadan katta to‘p bo‘ladi.
O‘yinning tavsifi. Tarbiyachining ishorasiga binoan bolalar qo‘llardagi
to‘pni ikki qo‘llab boshlari uzra orqaga uzatadilar. Safdagi eng oxirgi o‘yinchi
to‘pni olishi bilan safning boshiga yuguradi, o‘yin shu tarzda to boshlovchi yana
kayta safning boshiga kelmaguncha davom etaveradi. Topshiriqni tez va to‘g‘ri
bajargan komanda g‘olib chiqadi.
“Gardishga еtib ol”
O‘yinga tayyorlanish. Bolalar dastlabki chiziqqa ikki qator bo‘lib
safalanadilar. Har birining qo‘lida bittadan gardish bo‘ladi.
O‘yinning tavsifi. Tarbiyachining ishorasiga binoan birinchi qator bolalarni
gardishi bir qo‘llab dumalatib, maydonning ikkinchi tomoniga boradilar, so‘ng
gardishni qo‘llariga olib ikkinchi qatordagilarga qarab turadilar. Endi topshiriqni
keyingi guruh bajaradi. Tarbiyachi gardishni yiqitib yubormay, marra chizig‘ini
tezroq bosib o‘tgan boalalrni ko‘rsatib o‘tadi.
Do'stlaringiz bilan baham: |
