O‘zbekiston respublikasi xalq ta’limi vazirligi o‘quvchilarni kasb-hunarga yo‘naltirish va psixologik -pedagogik respublika tashxis markazi

Davomiyligi
1 soat
Usullar	Ko‘rgazmali taqdimot, ochiq munozara va muhokama, “aqliy xujum”, kichik guruhlarda ish.
Materialllar	Flipchart, rangli markerlar, kartochkalar, kasalliklar haqidagi rasmlar.

Videorolik
O‘g‘il bolalarda uchraydigan kasalliklarni bilasizmi?
Bugun biz anashu kasalliklar haqida fikrlashamiz. Har bir ota-ona farzandlarini sog‘lom-baquvvat bo‘lib o‘sishlarini orzu qilishadi.
Lekin ko‘p hoatlarda farzandlari uchun xavfli bo‘lgan kasalliklar haqida ma’lumotga ega bo‘lishmaydi. Yoki oddiy kasallik deb e’tiborsiz qarashadi. Holbuki juda xavfli kasalliklar mavjud bo‘lib, bular haqida ota-onalar sizlardan yetarli ma’lumotlarga ega bo‘lishingiz talab etiladi. Ana shunday kasalliklardan biri buyrak kasalligi bo‘lib hisoblanadi.
Buyraklar tanadagi eng muhim a’zolardan bo‘lib, bir qancha vazifalarni bajaradilar. Buyrakning asosiy vazifasi bu siydik ishlab chiqarishdir. Bundan tashqari qon va vitamin D ni ishlab chiqishda ham ishtirok etadi.
Buyraklar juft a’zo bo‘lib, bel sohasida joylashgan. Buyraklar qonni filtrlab, siydik hosil qiladi. Buyrak yallig‘lanishi juda ko‘p uchraydigan kasalliklardir.
Buyrakka turli xil kasallik qo‘zg‘atuvchi mikroblar 2 xil yo‘l bilan o‘tadi. Birinchisi: tanadagi turli xil infeksiya o‘choqlaridan, mikroblar qon orqali buyrakka tushishi va uni yallig‘lantirishi mumkin. Bular:

• 
  teridagi yiringli yaralar;
  
• 
  tomoqdagi surunkali yallig‘lanishlar (angina va boshqalar);
  
• 
  tishlar kariyesi (tish chirishi) va milklarning surunkali yallig‘lanishlari va boshqalar.
  

Ikkinchisi:
Mikroblarning pastdan yuqoriga qarab o‘tishidir. Ya’ni, to‘g‘ri ichak, chot oralig‘i, siydik yo‘llaridagi yallig‘lanishlardan o‘tadi. O‘g‘il bolalar shaxsiy gigiyenaga rioya qilmasligi oqibatida kasalliklar uchraydi.