Өзбекстан республикасы жоқары ҳӘм орта арнаўлы билимлендириў министирлиги

Aktivler – bul o`tken xojali’q operaciyalari’ ha`m ha`diyseleri na`tiyjesinde xojali’q sub’ekti ta`repinen qadag`alanatug`i’n ekonomikali’q resurslar boli’p, wolar keleshekte payda keltiriw mu`mkinshiligine iye.

Minnetlemeler – bul xojali’q sub’ektinin` o`tken xojali’q operaciyalari’ ha`m ha`diyselerdi a`melge asi’ri’w na`tiyjesindegi minnetlemeleri boli’p, olardi’ yesap-kitap qi’li’w aktivlerdin` tapsi’ri’li’wi’ yaki isletiliwine, xi’zmetlerdin` ko`rsetiliwi, yaki basqa kelesi ekonomikali’q paydani’n` azayi’wi’na ali’p keliwi mu`mkin.

Akcionerlik kapital sap aktivleri – bul minnetlemeler shi’g`ari’p taslang`annan keyingi xojali’q sub’ektinin` aktivlerdegi iyelik u`lesi boli’p tabi’ladi’. Jeke kapital arnawli’ bir taypadag`i’ statyalardi’ wo`z ishine aladi’, ma`selen, jeke kapitaldi’n` tu`rleri ha`m bo`listirilmegen payda.

Finansli’q na`tiyjeler haqqi’ndjag`i’ yesabat elementleri:

1. 
   Da`ramatlar – bul sub’ekttin` xojali’q xi’zmeti na`tiyjesinde, a`dette ijara haqi’, payi’zlar, licenziya to`lemleri ha`m devidentler formasi’nda da`ramat keltiretug`i’n xi’zmet, yag`ni’y tovarlardi’n` sati’li’wi’, xi’zmetlerdin` ko`rsetiliwi yaki basqa shaxslardi’n` xojali’q sub’ektinin` resurslari’nan paydalani’wi’ na`tiyjesinde aktivlerdin` kelip tu`siwi yaki minnetlemelerdin` azayi’wi’ arqali’ ju`z beretug`i’n ekonomikali’q resurslardi’n` ko`beyiwi boli’p tabi’ladi’.
   
2. 
   Qa`rejetler – bul paydani’ ko`beytiw maqsetinde xojali’q xi’zmetinen kelip shi’g`atug`i’n aktivlerdin` azayi’wi’ yaki minnetlemelerdi wo`z moyni’na ali’w arqali’ ju`z beretug`i’n ekonomikali’q resurslardi’n` azayi’wi’ boli’p tabi’ladi’.
   
3. 
   Payda – bul xojali’q sub’ektine ta`sir etetug`i’n tiykarg`i’ ha`m tiykarg`i’ bolmag`an xi’zmet, ha`diyseler, sha`rayatlar na`tiyjesinde kapitaldi’n` ko`beyiwi boli’p tabi’ladi’.
   
4. 
   Zi’yanlar – bul tiykarg`i’ xi’zmet ha`m barli’q basqa xojali’q operaciyalari’, ha`diyseler, sha`rayatlar na`tiyjesinde jeke kapitaldi’n` azayi’wi’ boli’p tabi’ladi’.