Озик-овкат товарлари сифат экспертизаси-дарслик doc

Sovuq dudlangan baliqlarning sifatiga talablar. Sovuq dudlashda baliqlar 
pishib ketmaydi, lekin dudlash natijasida xom baliqlarda bo‘ladigan hid va ta’m 
yo‘qolib, ularga boshqa ishlov berilmasa ham iste’molga yaroqli holatga keladi. 
www.sies.uz
Page 292 of 306 

---

293
Sovuq dudlash uchun ko‘pchilik hollarda tuzlangan baliqlar ishlatiladi. Baliq 
qancha seryog‘ bo‘lsa, shuncha unng sifati sovuq dudlanganda yuqori bo‘ladi. 
Sovuq dudlangan baliqlar sifat ko‘rsatkichlari bo‘yicha 1-chi a 2-chi 
navlarga bo‘linadi. 
Birinchi navga har xil semizlikdagi va har xil o‘lchamdagi butun sirti toza, 
to‘qri nimtalangan baliqlar kiradi. Ularda ozroq darajada tangachalari ketgan, 
oqsil-yog‘ dog‘lari, jabra qopqog‘i va dumlarida esa kam miqdorda tuz dog‘lari 
bo‘lishiga yo‘l qo‘yiladi. Sovuq dudlangan baliqlarning rangi och tillarangdan to 
qora-tillaranggacha bo‘ladi. Ularning konsistensiyasi zich, hidi va ta’mi esa 
dudlangan baliqqa xos, begona hid va ta’mlarsiz bo‘lishi kerak. 
Sovuq dudlangan baliqlarning ikkinchi naviga ham har xil o‘lchamdagi va 
semizlikdagi baliqlar kiritiladi. Ularda ham oqsil, yog‘larning erib chiqishidan 
hosil bo‘lgan dog‘lar, kam miqdordagi tuz dog‘lari, shuningdek kam darajada terisi 
shilingan bo‘lishiga ruxsat etiladi. Rangi tillo rangdan to qora tillaraggacha bo‘ladi. 
Konsistensiyasi esa biroz yumshoq bo‘lsada, shilvirab qolgan bo‘lmasligi kerak. 
Ularda dudlangan baliqqa xos o‘tkir hid va ozroq darajada yog‘och ta’mi 
bo‘lishiga ham ruxsat etiladi. 
Sovuq dudlangan baliqlarning ikkala navida ham tuz miqdori 5% dan 12% 
gacha bo‘ladi. Shuningdek, farqli o‘laroq sovuq dudlangan baliqlarda suv miqdori 
ham standart ko‘rsatkich hisoblanadi. Sovuq dudlangan baliqlarda suv miqdori 
42% dan 58% gacha bo‘lishi standartlarda ko‘rsatib o‘tilgan.