Oziq-ovqat texnologiyasi

1.3-jadval

Suv hidini aniqlash natijalari

Namuna raqami	Baholash ko‘rsatkichlari
	Hid xarakteri	Hidning intensivligi
1
2

2 -tajriba ishi. Suvning rangliligini aniqlash
Kerakli material va jihozlar: 200 sm³ diametri 30 mm sig’imli rangsiz silindrlar, 10 sm³ sig‘imli silindrlar, zich filtrlar, gradiurlangan pipetkalar, o‘lchov stakani, konsentrlangan sulfat kislota H₂SO₄, №1 asosiy eritma, № 2 yordamchi eritma yoki ularni tayyorlash uchun reaktivlar: kaliy bixramat K₂Cr₂O₇ va kobolt sulfat CoSO₄ˑ7H₂O, distillangan suv, suv namunalari.

Ishning borishi:

Suv rangliligini sifatli aniqlash uchun tekshirilayotgan suvning 40 - 50 sm³ miqdori qog‘oz filtrda filtrlanadi. Filtlangan suv rangsiz silindrga solinadi va huddi shu hajmli distillangan suv bilan taqqoslanadi. Taqqoslash oq qog‘oz fonida kunduzgi yorug‘likda olib boriladi. Suv yuqoridan va yon tomonidan kuzatiladi, ko‘ringan rang belgilanadi (rangsiz, och sariq, qo‘ng‘ir). Suv rangining intensivligi xromat koboltli shkala bo‘yicha aniqlanadi. Ranglilik shkalasi № 1 eritma (asosiy) va №2 eritma (yordamchi)larni aralashtirish yo‘li bilan tayyorlanadi.

№ 1 eritma tayyorlash uchun ozgina distilllangan suvda alohida idishlarda 0,0875 g kaliy bixromat K₂Cr₂O₇ va 2 g kobolt sulfat eritiladi. Tuzlarning eritmalari qo‘shib aralashtiriladi. 1 sm³ konsentrlangan sulfat kislotasi qo‘shiladi va distillangan suv solib, hajmi 1 dm³ gacha yetkaziladi.

№ 2 eritmada 1 dm³ distillangan suvda 1 sm³ konsentrlangan sulfat kislotasi bo‘ladi. 50 sm³ hajmlarda beshta silindrlarda 1.3-jadvalda ko‘rsatilgan nisbatlarda № 1 va № 2 eritmalarni aralashtirish yo‘li bilan ranglilik shkalasi tayyorlanadi.

Rangni aniqlash uchun shkala tayyorlangan silindrlarga o‘xshashsilindrga №6 tekshirilayotgan suvdan 50 sm³ solinadi. Oq fonda besh silindrdagi eritmalar rangi bilan taqqoslab, rangiga maksimal yaqini aniqlanadi. Rangi 1.3 - jadval bo‘yicha rang darajasida ifodalanadi va tajriba natijalari 1.4- jadvalga kiritiladi.