Oziq-ovqat texnologiyasi

Н⁺+ HCO^3-= СО₂ + Н₂О
Koagulyant bilan ishlovdan so’ng rezervli ishqoriylikning kattaligi 1 mg-ekv/l dan ortiq bo’lmasligi kerak. Alyuminiy va temir sul’fatlar va xloridlari bilan birga hozirgi vaqtda yuqori asosli koagulyantlar – alyuminiy gidrookso sul’fatlar va gidrookso xloridlari keng qo’llanilmoqda. Ularning asosiy afzalligi, masalan, digidrookso sul’fatning alyuminiy sul’fatga qaraganda [(А1₂(SО₄)₂(ОН)₂] · 11 Н₂О рН ning keng diapazonida parcha hosil qilish qobiliyatidir. Bu moddaning gidrolizida hosil bo’lgan gidrooksi komplekslar kattaroq manfiy zaryadni olib boradilar. Alyuminiy sul’fatga qaraganda uning korrozion faolligi ancha past. Alyuminiy sul’fatga qaraganda koagulyantning sarfi 15-20% ga kam.

Oxirgi vaqtda dispers tizimlarning turg’unligini rostlash uchun turlicha suvda eriydigan yuqori molekulyar birikmalar (YuMB) – flokulyantlar keng qo’llaniladi. Ular tabiiy va oqava suvlarni dispers qo’shimchalardan tozalashda, suspensiyalarni konsentratsiyasini oshirishda va suvsizlantirishda, cho’kmalarning filtrlanish ko’rsatgichlarini yaxshilashda, tuproqlar strukturasini yaxshilashda keng qo’llaniladi. Hamda alyuminiy va temir gidroksidlarining parchalarini hosil bo’lish jarayonini faollashtirish maqsadida koagulyant miqdorini pasaytirish va koagulyatsiya jarayoni doimiyligini kamaytirish maqsadida qo’llaniladi.