Oziq-ovqat texnologiyasi

Nazariy asoslari

Oqava suvni erigan organik bekorchi qo‘shimchalardan tozalashda regenerativ va destruktiv usullar qo‘llaniladi. Regenerativ usullar oqava suvni zararsizlantiribgina qolmay, balki undan foydali moddalami ajratib olish va ishlab chiqarishda qaytadan ulardan foydalanishga imkon beradi. Agar qo‘shimcha moddalarni ajratib olish imkoni bo‘lmasa yoki bunday ish iqtisodiy jihatdan ma’qul deb topilmasa destruktiv usul qo'llaniladi. Bunda oqava suvni tozalash uchun suvdagi moddalar parchalab yuboriladi.

Quyidagilar destruktiv usulga kiradi:

1. Zaharli moddalarni issiqlik ta’sirida parchalab zararsizlantirish; bunda harorat 900-1000 °C gacha ko‘tariladi.

2. Kuchli oksidlovchilar, ya’ni ozon, kislorod, xlor va xlorli moddalar ta ’siri ostida oksidlash usullari.

Quyidagilar regenerativ usulga kiradi:

a) ekstraksion tozalash bekorchi qo‘shimchalarni erituvchi yordamida ajratib olishga asoslangan. Ekstraksiya jarayonida erigan organik modda oqava suv bilan ekstragent erituvchi o‘rtasida taqsimlanish qonuniga muvofiq taqsimlanadi: