Pdf-xchange 0 Examples

elite Panaboard book dasturini ishga tushiradi. 
Bu dastur bilan to’la ishlashini keyingi paragrflarda 
ko’rib chiqiladi. 
Slayd-shou rejimida ishlash. Buning uchun 
ko’rsatilishi kerak bo’lgan slaydlar avvaldan 
tayyorlangan bo’lishi kerak.
Turli ilovalarni ishga tushirish. (o’rniga 
Windows dan foydalangan yaxshi) 
Ekranni rasmga olish. Olingan rasmni xotiraga 
saqlash uchun yo’l va fayl nomi so’raladi. 
Ekranni videoga olish. Ekranda barcha qilingan 
xarakatlar videofaylga yozib boriladi.
Chop qilish.
NUTQ SINTEZLASHNING BA’ZI METODLARI VA ALGORITMLARI 
Abduvaitov A.A.
TATU Samarqand filiali 
Nutq sintezini bir qancha usullar yordamida ishlab chiqish mumkin. 
Bularning barchasi o`zining afzallik va kamchilik tomonlariga ega bo`lib, 
ularning ba’zilariga to`xtalib o`tamiz. Bu metodlar odatda quyidagi uch guruhga 
ajratiladi: 
- 
Imkon qadar inson nutqiga mos, ravon nutq yaratish tizimini 
modellashtiruvchi sintezlash metodi; 
- 
Formant sintezlash. Bu sintezlash modeli nutq signali chastota o`lchamlari 
yoki tovush traktini transferlash funksiyasiga asoslangan filtrlar majmuasi 
modeli; 
- 
Difonli birlashtirish orqali sintezlash. Bu sintezlash metodida oldindan 
yozib olingan tabiiy nutqning turli kenglikdagi bo`laklarini birlashtirib, yangi 
nutq hosil qilinadi. 
Nutqni sintezlash tizimlarini ishlab chiqishda, odatda, formant va 
birlashtirish metodlari keng qo`llaniladi. Formant sintezlash metodi ko`p yillar 
mobaynida boshqa nutq sintezlash metodlari orasida o`z hukmronligini saqlab 

---

210 
kelgan. Biroq, bugungi kunga kelib, difonlarni birlashtirish orqali sintezlash 
metodi ko`proq kirib kelmoqda va ommalashib bormoqda.
Nutqni ravon ifodalovchi sintezlash metodi ham yuqori sifatda ishlovchi 
murakkab stil, lekin, kelajakda bundanda kuchliroq metodlar yaratilishi mumkin. 
Ravon nutq sintezlash metodida mumkin insonning tovush organlari 
funksiyalarini modellashtirilib, mumkin qadar inson nutqiga mos bo`lgan ravon, 
aniq va tushunarli nutq hosil qilishga harakat qilinadi. O`z navbatida yuqori sifatli 
nutq hosil qilishda ushbu metod eng maqbuli sanaladi. Boshqa tomondan olib 
qaralganda esa, bu metod boshqa metodlarga qaraganda ishlab chiqish va 
hisoblash jarayonlari juda qiyin kechuvchi metod hamdir. Shuning uchun u 
boshqa metodlarga nisbatan eng kam tanilgan va hozirgacha ham aytarli hech bir 
muvofaqqiyat darajasiga erishmagan.
Ravon nutq sintezlash nutqiy bo`laklarni va tovushli bog`lanishlar 
modellarini tipik qamrab oladi. Ravon nutq sintezlash odatda, ovoz pardasi va 
og`iz funksiyalarini modellashtirishga qaratilgan. Birinchi ravon nutq sintezlash 
modeli og`iz bo`shlig`idagi tomoqdan labgacha bo`lgan tovush funksiyalariga 
asolangan. To`gri va ravon nutq hosil qilish bir qancha boshqaruv parametrlariga, 
masalan, lablar orasidagi bo`shliq, kengligi, ustki labning chiqib turishi, tilning 
uzunligi, tipi, joylashuv tipi, qalinligi va tomoq kengligi kabilarga bog`liq bo`lishi 
mumkin.
Biz so`zlayotgan vaqtimizda, tovush trakti muskullari harakatlanishi va 
shaklini o`zgartrishi orqali nutq hosil qilinishiga sabab bo`ladi.
Ravon nutq hosil qilish modeli bo`yicha ma’lumotlar odatda tabiiy 
nutqning roentgen tahlilidan olinadi. Shunga qaramasdan bu ma’lumotlar odatda, 
faqat ikki o`lchamli bo`ladi, biroq haqiqiy nutqning tabiiy trakti uch o`lchamda 
yuz beradi va shu sababli nutq davomida uning modelini aniq, ravon nutq sintez 
qilish jarayonmi uchun optimallash juda mushkuldir. Ravon nutq sintezlashning 
boshqa bir kamchilik tomoni shundan iboratki, roentgen ma’lumotlari nutq hosil 
qilish organlarining nutq hosil qilishdagi o`rni yoki darajasi haqida hech qanday 
ma’lumot bermaydi. Shuningdek, til harakatlari shunchalik murakkabki, uni 
modellashtirishning dearli iloji yo`q. 
Ravon nutq sintez qilishning afzal tomoni – nutqning keskin burilish 
qisml;arini modellashtira olishidadir. Ravon nutq sintezlash metodi nut sintezlash 
tizimlarida juda ham kamdan-kam holatlarda foydalanilgan, ammo keyinchalik, 
puxta tahliliy metodlar ishlab chiqilgan va hisoblash manbaalari keltirilgan bo`lib, 
uni kelajakda amalga oshirish imkoniyatlarining yaratilish ehtimollari mavjud.