Педагогик атамалар луғати

Дастурлаштирилган таълим – материални (қисмларга бўлиб) қадам-бақадам, ҳар бир қисмнинг ўзлаштирилганлигини назорат қилган ҳолда ўрганиш технологияси.
Дастурли маъруза-маслаҳат – талабаларни муаммо муҳокамасига фаол иштирок этишига ундайдиган маъруза тури.
Дастурли таълим – тадрижий кетма-кетликда жойлашган сертармоқ ўқув материали қисмларидан ташкил топган ўргатувчи дастурлар ёрдамида ўқитиш технологияси
Дастурли маъруза-маслаҳат – талабаларни муаммо муҳокамасига фаол иштирок этишига ундайдиган маъруза тури.
Дастхат, автограф – 1) шахснинг ўз қўли билан ёзган ёзуви, имзоси; 2) муаллифнинг асл (ўз қўли билан ёзган) қўлёзмаси.
Дафтар – тикилган, муқоваланган тоза қоғозлар мажмуидан иборат ўқув қуроли.
Даҳо – фавқулодда қобилият, зеҳн ва заковатга эга бўлган шахс.
Дебатлар – икки қарама-қарши, ўзаро мусобақалашаётган команда (гуруҳ) иштирокчиларнинг олдиндан тайёрланган чиқишларига асосланган расмий муҳокама.
Де брифинг – амалга оширилган фаолиятни ўрганиш ва фикрлаш даври.
Девиант хулқ-атвор – жамиятда қабул қилинган меъёрларга зид бўлган алоҳида ҳатти-ҳаракатлар тизими.
«Деворсиз мактаб» – театр, музей, суд зали, кўргазма, лаборатория ҳамда ишлаб чиқариш устахоналарида ташкил этиладиган ўқув жараёни.
Декан – олий ўқув юртида факультет раҳбари.
Детерминант – дастлабки асос, фикр, нуқтаи назар. 2) математик тушунча.
Дефектология – жисмоний ва руҳий нуқсонли болалар ривожланишининг психофизиологик хусусиятларини ўрганиш, уларга махсус таълим-тарбия бериш, ундаги нуқсонларни бартараф этиш қонуниятларини ўрганувчи фан.
Дефиниция – муайян педагогик тушунча ҳақидаги қисқача таъриф.
Диагностика – таълим жараёни, ўқитувчи ҳамда ўқувчи фаолиятининг муайян қиррасини ўрганиш мақсадида амалга ошириладиган текшириш.
Диайрезис – ақлий ташхис
Диалог – икки киши; масалан, ўқитувчи ва ўқувчилар орасидаги мулоқот.