Pedagogika fan sifatida

Rahbarning muomala madaniyati.

• 
  Rahbarlik mahoratining muhim jihati muomala madaniyatidir. Yoqimli va muloyim suhbat olib boorish tadbirkorlikda, rahbarlikda katta yutuqqa olib keladi. Bunda quyidagi ma’naviy me’yorlarga rioya qilish zarur:
  

12-mavzu
PSIXOLOGIK AXBOROT XAVFSIZLIGI.
Reja:
1. Shaxs, jamiyat va davlatning axborot-psixologik havfsizligidagi manbalar va ularning turlari
2. Ta’lim muhitida axborot-psixologik havfsizlikni ta`minlashning vazifalari, asosiy faoliyat yo`nalishlari va uslublari
3. Ochiq ommaviy axborot tizimi sharoitida shaxsning psixologik o`zini o`zi himoyalashi.
4 O`zbekiston ommaviy axborot vositalari va jamiyat axborot-psixologik havfsizligining ta`minlanishi.
Shaxs, jamiyat va davlatning axborot-psixologik havfsizligidagi manbalar va ularning turlari
Shaxs axborot-psixologik xavfsizligiga tahdidning manbalari va umumiy tavsifi: tashqi va ichki tahdid, uning tuzilishi hamda mohiyati. Yuqorida aytganimizdek, shaxs tomonidan axborotni qabul qilishning hal etuvchi mezoni - bu insonning ongi borligidir. Mazkur ongdan foydalanib, mantiqiy isbot yordamida odamga xohlagan, eng noma`qul g`oyani ham «to`g`riligini» isbotlash mumkin, bu qiyin emas. Buning uchun dalillarni ustalik tanlab, isbot jarayonini yaxshi tuzish kifoya. Demak, axborot-psixologik xavfsizlikka tahdidning birinchi manbasi - bu insonning o`zidir.
Axborot-psixologik xavfsizlikni shaxsga ta`sir etuvchi vosita va usullari. Axborotni qabul qilish, qayta ishlash, tarqatish mexanizmlari, jamiyatdagi transformatsiya va qaytalanishi. Axborot-psixologik xavfsizlikning shaxsga ta`sir etuvchi vosita va usullari aslida ko`p, lekin an`anaviy ravishda ular uchta asosiy turga bo`linadi: davlat etkazadigan, OAV va norasmiy muloqotdagi axborot. Norasmiy axborot deb, shaxs mahallada, ish joyida, o`rtoqlaridan, trasport vositalarida, gaplarda eshitgan ma`lumotlarga aytiladi.
Axborot bilan ishlash bir nechta asosiy bug`inlarni tashkil etadi, ularning ish mexanizmi esa quyidagidan iborat:
1) Ma`lumotni qabul qilish, anglab olish va eslab quyish;
2) axborotni anglash va eslab quyish jarayonida materialni qabul qiluvchi tomonidan uning bilimi va psixologiyasidan kelib chiqqan holda qayta ishlash va yangilangan axborotni shaxs xotirasida saqlash;
3) axborotni tarqatish. Har bir bosqichning o`z qoidalari bor va ularga rioya qilmagan odam ushbu faoliyatda inqirozga uchrashishi aniq.