Pedagogika ilmi va amaliyotida ko‘p zamonlardan beri ta’lim tarbiyadan ustuvor sanalib kelinayotganini bo‘lajak hamkasblar talabalik yillarida o‘zlashtirayotgan bilimlari asnosida payqagan bo‘lishlari kerak

Savol va topshiriqlar:

0. 
   Adabiyot nazariyasi kursidan olgan bilimlaringizga taya-nib epik turga mansub asarlarning xususiyatlarini sanang. «Badi-iy tahlil asoslari»dan o‘rganganlaringiz badiiy tahlil bilan o‘quv tahlilining o‘xshash va farqli tomonlarini aytib bering.
   

0. 
   Qissa janriga mansub biror asarni tanlab oling. Asar matni-dagi o‘zingiz muhim deb bilgan detallarni savol-topshiriqqa aylan-tiring. Ularga o‘zingiz javob bering. Shu javoblaringiz asosida hikoyaning o‘quv tahlilini amalga oshiring.
   

0. 
   «O‘quvchi qalbida o‘qishga intiltiruvchi ichki ehtiyoj his-sini shakllantirish uchun adabiyot darslarida zarur sharoit, im-koniyat vujudga keltirilmog‘i lozim» degan fikrga qanday qaraysiz? Sizningcha, uni qanday tashkil etish mumkin? Bir asar misolida qarashlaringizni dalillang.
   

0. 
   «Bemor» hikoyasida adibning til maholratini misollar aso-sida izohlang.
   
1. 
   O‘qituvchingiz bilan kelishgan holda birorta epik asar tahli-liga bag‘ishlangan dars tashkil eting.
   
2. 
   
3. 
   MA’RUZA № 19
   
4. 
   LIRIK ASARLARNI O‘RGANISH
   

Reja:

0. 
   Lirik asarlarda kayfiyat va tuyg‘ular tasvirining ustuvorligi.
   

0. 
   Lirik asarlar inson ichki dunyosi, ruh va qalb hodisalari tas-vir obyekti ekanligi.
   
1. 
   Lirik asarlarda ifodali o‘qishning ahamiyati.
   
2. 
   Lirik asarlarni tahlil qilishning o‘ziga xos xususiyatlari.
   

She’riy asarlarni o‘rganishga bag‘ishlangan darslarning maqsadi va vazifasi o‘quvchilardagi badiiy idrokning to‘g‘riligi, teranligini ta’minlash, ularni poetik mahorat sir-asrorlari bilan ta-nishtirish bilan birga asarning mohiyatiga kirish, qahramonni his qilishga erishishdan iboratdir. Q.Yo‘ldoshevning: «Lirik turdagi asarlar uchun asosiy narsa tuyg‘u va hissiyotga yo‘g‘rilgan hayo-tiy hikmat ifodasini berishdir. Lirikada voqealar tasviri, xarakter mantig‘i emas, ruhiy holat tasviri, hissiyot ifodasi, tuyg‘ular sa-mimiyati muhimdir. Chinakam lirik she’r tinglovchi yo o‘quvchiga faqat zavq beribgina qolmay, uning emotsional-axloqiy imkoniyat-larini uyg‘otadi, faoliyatga undaydi. Samimiy lirik so‘z hatto real voqelik hodisalariga qaraganda ham inson ruhiyatiga kuchliroq ta’sir ko‘rsatishi mumkin ekanligi psixologiya ilmi xulosalaridan ma’lum», – degani bejiz emas111.

Ma’lumki, she’rdagi mazmun tuyg‘u bilan qorishiq. Adabiyot darslarida nazmiy matnni ifodali o‘qishga, har bir so‘z zimmasiga ortilgan yukka, tuyg‘ular ifodasiga o‘quvchi e’tiborini qaratadigan savol-topshiriqlar tuzishga katta e’tibor qaratiladi. O‘quvchining she’r matnini qayta hikolashiga yo‘l qo‘yilmasligi maqsadga mu-vofiqdir.Chunki mazmun aytib berilganda she’rning ta’sir kuchi umuman yo‘qoladi.

B. To‘xliyev: «Aslida adabiyot o‘qitishning bosh yo‘nalishi ta’limning turli bosqichlarida o‘quvchilar ongiga badiiy asar­ ning mo‘jizakor ta’sir kuchini amaliy jihatdan ta’minlashga qaratilgan»112, – deydi. So‘z o‘quvchining ruhiyatiga ta’sirk o‘rsatgandagina unda zavq uyg‘otadi, bu bilan insonni tarbiya-laydi ham. She’r his-tuyg‘uni junbushga keltirib, faol estetik ke-chinmalar uchun zamin yaratadi, shaxs dunyoqarashining tarkibiy qismi bo‘lmish e’tiqodga sayqal beradi, olijanob xatti-harakatlarga otlantiradi.

M. Mirqosimova: «She’r orqali shoir olamni go‘yo ichdan yoritishi, narsalar va hodisalar ichiga yashiringan mazmunni ochib berishi, ularning yashirin ichki «qiyofa»sini sezdirishi, ya’ni ma’nolar kashf etishi mumkin»113, deydi. Ta’kidlash joizki, bular ba’zan ochiq, ba’zida esa metaforik yo‘l bilan bayon etiladi. Shoir voqea yoki holatni tasvirlarkan, ayni paytda obrazlar yaratadi, shu orqali turli hissiy kechinmalarga yo‘l ochadi.

S. Ahmedov ham lirik asarlar haqida gapirib: «Lirika ijodkor qalbi oniy bir tezlikda his etgan sezgining, mavjud muhitga estetik munosabatning mevasidir. Shoir tashqi olamdan olgan taassurot-lari natijasida vujudga kelgan fikrini his-tuyg‘ularga o‘rab yana yuzaga chiqaradi, kitobxonda fikr tug‘ilishiga sabab bo‘ladi»114, – deydi. Adabiyot mashg‘ulotlari ko‘ngil darslari sifatida shoirning­ asariga singdirilgan ana shu hislarini o‘qirmanga tuydirish, uni ru-han muvozanatdan chiqarish, o‘zgani tuyish va tuyganlarini so‘z bilan ifodalab bera olishga yo‘naltirishdan iboratdir. Bunday ish-lar asar matni yuzasidan tuzilgan savol va topshiriqlar ko‘magida amalga oshiriladi.

She’riy matnni maromiga yetkazib ifodali o‘qish, ya’ni mu-allifni tuyib o‘qish va bu mutolaadan huzur ola bilish she’r qay darajada idrok etilganiga baho berishning bosh omilidir. She’rxon she’rni ifodali o‘qiy olmadimi yoki undan ta’sirlanmadimi, demak, nimanidir yetarli tushunmagan, obrazli ifodalarni hisobga olmagan bo‘ladi. Bu, o‘z-o‘zidan, she’riy matnning mohiyatiga kirishga ham ma’lum darajada aks ta’sir ko‘rsatadi.

Lirik asarlar ustida ishlash darslarining mas’uliyatli lahza-

laridan biri matnni, albatta o‘qituvchi tomonidan yoddan ifodali o‘qilishi va o‘quvchilarning uni tinglay olishidir. Shunda sinfdagi hamma o‘quvchilar bir necha daqiqa she’rdan olingan estetik ta’siro g‘ushida qoladi. Mutolaadan keyingi bir necha soniyalik tin olish o‘qituvchiga shunday imkoniyatni beradi.

Shu o‘rinda prof. Q.Yo‘ldoshevning quyidagi ogohlantirishi nihoyatda o‘rinlidir: «Ko‘pchilik o‘qituvchilar ham, hatto ayrim usuliyotchi olimlar ham ifodali o‘qish deganda baland ovoz bilan tinish belgilariga rioya qilib, ko‘tarinki ruhda qiroat qilishni tushunadilar. Holbuki, asl lirik asarlarni aksariyat hollarda bor ovoz bilan o‘qib bo‘lmaydi. Hatto baland, ko‘tarinki, binobarin, nosa-mimiy ifoda she’rdagi mayin lirizmni yo‘qqa chiqarishi mumkin. Xullas, ifodali o‘qish – bu ijodkorning holatini tuyib, asarga muhr-langan ruhiy manzaralar bag‘rida turib o‘qiy bilish demakdir»115.

She’riy matnni ifodali o‘qish badiiy idrokning yuqori cho‘qqisiga yetganidan dalolat ekanligini B. To‘xliyev ham: «She’riy asarni anglash, undagi muallif ko‘zda tutgan niyatni, maqsad va vazifalarni tushunib yetish, she’r g‘oyasining mag‘zini chaqish uni uqishdan, yana-da aniqrog‘i, ifodali o‘qishdan boshlanadi»116, – tarzida ifodalaydi.

She’riy asarga, odatda, o‘quvchilar tomonidan beriladigan baho ko‘proq mazmunga, uni qayta hikoyalashga tortib ketadi. Shoir voqelikni badiiy obrazlar orqali tasvirlaganda, o‘z-o‘zidan mazmun shakllanadi. She’riy asarlar ustida ishlanganda o‘quvchi ham qalbini junbushga keltirgan mazmunga, ham she’rning yuksak san’at asari sifatida yozilganiga, ham tasvirga, ham tuyg‘ular ifo-dasiga diqqatini qaratishi maqsadga muvofiq bo‘ladi.

Lirik turga mansub asarlar ustida ishlashni shoir Halima Xu-doyberdiyevaning «Men seni topgandim…» she’ri misolida quyi­ dagicha ko‘rish mumkin:

Men seni topgandim, ammo yaxshi qol,

Sen: «Yaxshi qol!» – degil, «ko‘rishguncha»mas.
Bul quyosh hali ko‘p ol bo‘ladir, ol,

Bul oy ham umrimga ko‘p qiladir qasd.

Sen sherik bo‘lmaysan endi g‘amimga,
Darvoqe, hech qachon sherik qilmadim.
Xayr endi, ma’zur tut ortiq-kamimga,

Men seni Layliday seva olmadim.

O‘rtanma bul xato mushkullaridan,

Yo Rabbiy, lahzada bor orzular puch.
Men ham qaydan bilay ishq yo‘llarida –

Majnun emas, senga kelarimni duch…

Asar matni ustida ish boshlashdan avval she’rning matni yoddan ifodali aytib beriladi. So‘ngra quyidagi savol va top-shiriqlar ko‘magida o‘quvchilar asar matni mohiyatiga kirish-ga yo‘naltiriladi: «Sizningcha, she’rning bosh qahramoni kim? Qanday odam? Asar qahramoni kimga murojaat qilayotir deb o‘ylaysiz? She’rning dastlabki satridagi birinchi jumla: «Men seni topgandim»ga diqqat qarating. Nega «topdim» emas «topgandim» fe’li ishlatilgan deb o‘ylaysiz? Ikkala so‘z ham o‘tgan zamonni anglatadi-ku. «Topgandim» so‘zining mohiyatida qanday haqiqat, qanday tuyg‘ular yashiringan, sizningcha? Fikringizni matnga ta­ yangan holda asoslang. Ilk misradagi ikkinchi jumla «ammo yaxshi qol»dan siz nimani angladingiz? Nima deb o‘ylaysiz, nega she’r qahramoni «Xayr» demay «yaxshi qol» deyapti, buning zamiri-da biron haqiqat bormi? Satrdagi «-gandim» qo‘shimchasi bilan «ammo» zidlov bog‘lovchisi orasida qanday aloqa bo‘lishi mum-kin? Siz bundan nimani tushundingiz? Bandning ikkinchi misrasi: «Sen: «Yaxshi qol!» – degil, «ko‘rishguncha»mas»ga e’tibor qiling. Misrada xayrlashuvning ikki turi qo‘llanilgan. Jumladagi «yaxshi qol!», «ko‘rishguncha» so‘zlari bilan «xayr» so‘zi orasida qanday tafovut bor, nazaringizda? Nima deb o‘ylaysiz, nega she’r qahra-moni suhbatdoshidan aynan «yaxshi qol» deyishini o‘tinmoqda? Satrdagi «degil» so‘ziga diqqat qiling: nega «degin» emas, aynan «degil» qo‘llanilgan? Sizningcha, bu nimani anglatadi? «Bul qu­ yosh hali ko‘p ol bo‘ladir, ol»ni, sizningcha, qanday tushunish mumkin? Nega «bu» emas «bul» ko‘rsatish olmoshi ishlatilgan deb o‘ylaysiz? Muallif «l» tovushining zimmasiga qanday vazifani yuklagan, nazaringizda? Quyosh ol bo‘lishining qahramonga nima aloqasi bo‘lishi mumkin, sizningcha? «Bul oy ham umrimga ko‘pqiladir qasd» misrasini qanday sharhlaysiz? Nega «qiladi» emas «qiladir» deyilgan? Sizningcha, «l» va «r» tovushlarining zimma-sida qanday yuk bo‘lishi mumkin? Ne sababdan «Bul oy ham» de­ yilyapti? Oldin boshqa biror jonzod qahramonning umri-joniga qasd qilganmidi? Misralardagi «bo‘ladir» va «qiladir» so‘zlarida «r» harfining orttirilishi nimadan dalolat beradi? Ikkinchi to‘rtlikdagi «Sen sherik bo‘lmaysan endi g‘amimga» tarzidagi iqrorning za-mirida qanday haqiqat yashiringan deb o‘ylaysiz? To‘rtlikning ikkinchi misrasiga e’tibor qiling: «Darvoqe, hech qachon sherik qilmadim»ga asoslanib she’r qahramoniga tavsif bering: u qan-day odam? Keyingi misra: «Xayr endi, ma’zur tut ortiq-kamimga» e’tibor qiling. Nima deb o‘ylaysiz, yuqorigi bandda «yaxshi qol» degan qahramon endi nega «xayr» deyapti? «Ma’zur tut» va «or-tiq-kam»ni qanday tushundingiz? Sizningcha, bandning so‘nggi misrasi: «Men seni Layliday seva olmadim»da afsus va o‘kinish bormi yoki oddiy e’tirof ifodalanganmi? Fikringizni matnga ta­ yangan holda asoslang. Qiz yigitni «Layliday seva olma»ganining boisi nimada deb o‘ylaysiz? O‘ylab ko‘ringchi, qiz bilan yigit bir-biriga kim bo‘lishi mumkin? So‘nggi bandning dastlabki misrasi: «O‘rtanma bul xato mushkullaridan»ga diqqat qiling. Yana «bul». Buning vazifasi nimadan iborat, sizningcha? Nazaringizda, xato kimniki? «Xato mushkullari» nimalardan iborat bo‘lishi mum-kin? Bu xatoning mushkullaridan she’r qahramoni ko‘proq iztirob chekyaptimi yoki uning suhbatdoshimi? Buni nimalardan angla­ dingiz? Fikringizni asarga tayangan holda asoslab bering. «Yo, Rabbiy, lahzada bor orzular puch» deyilganda qaysi lahza nazarda tutilayotir deb o‘ylaysiz? Sizningcha, kimning orzulari haqida gap ketayotir? Bu orzular nimalardan iborat ekanligi haqida fikr ayta olasizmi? «Men ham qaydan bilay ishq yo‘llarida – Majnun emas, senga kelarimni duch…» misralarida insonga xos bo‘lgan qanday tuyg‘ular aks etgan deb o‘ylaysiz? Nima deb o‘ylaysiz, «Majnun» bilan «Sen»ning orasida qanday tafovut bor?»

Asar matni yuzasidan taqdim etilgan mazkur savol va topshiriq-lar ko‘magida uning mohiyatiga kirishga urinilarkan, o‘qituvchining vazifasi alohida e’tiborga loyiq javoblarni rag‘batlantirish, kichik-kichik qo‘shimcha savollar yoki yo‘naltiruvchi fikrlar bilan vazi-yatga aniqlik kiritish, kemtik fikrlarning to‘ldirilishini boshqalar-dan so‘rash kabilardan iborat bo‘ladi. O‘qituvchi imkon qadar o‘z fikrini o‘rtaga tashlamasligi, agar bunga zarurat tug‘ilganida hamhal qiluvchi xulosa yoki hokim fikr shaklida emas, shunchaki bir variant sifatida aytishi mumkin. Agar u yoki bu savollarga auditori-yada javob topilmasa, uni ochiq qoldirgan, keyingi dargacha u haq-da o‘ylab ko‘rishni taklif etgan ma’qul. Aks holda, o‘quvchilarni o‘qituvchisining fikr aytishini kutadigan, o‘ylamaydigan tanbal-larga aylantirib qo‘yish mumkin.

O‘zbekiston xalq shoiri Halima Xudoyberdiyeva qalamiga mansub «Men seni topgandim…117 she’ri mazmun-mohiyati bilan ko‘ngil bitigi hisoblanadi. Unda baland orzular dunyosida kezgan yosh bir qalbning iztiroblari samimiy tasvirlangan. Bu asarning qahramonini barcha she’rlarga «egalik» qiluvchi qiyofasiz «lirik qahramon» deyish unchalar o‘rinli emas. U hech kimga o‘xshamagan, o‘z qalbi va o‘zgacha tuyg‘ular sohibi. Shuning uchun she’r qahramonini oddiygina qilib qiz deb atash mumkin. Unda, avvalo, qizning yoshlikda bilib-bilmay qilib qo‘ygan xatolaridan chekkan iztirobi, buning ustiga shu xatolar tufayli ikkinchi bir qalbning jabrlanganini his qila turib ko‘nglidan kechayotgan ruhiy qiynoqlari tasvirlangan. Ushbu bitikdagi har bir misra rost. Bor-yo‘g‘i uch banddan iborat bu she’rning har bir satridan ko‘ngil dardining zardobi sizib turibdi.

Bu she’rga adabiyottanuv ilmidagi nazariy o‘lchovlardan ko‘ra ruhiyat mezonlari bilan yondashish ma’qulroq bo‘ladi. Unda qahramon tuyg‘ulari ifodasi ko‘ngil kishisi bo‘lgan she’rxonni mu-vozanatdan chiqaradi, qalbini junbishga keltiradi. Bunday bezovta vaziyatda she’rxon ham samimiy bo‘ladi.

O‘rni kelganda shuni ham aytish joizki, shu she’r asosida yara-tilib, Hilola Hamidova tomonidan ijro etilgan qo‘shiq so‘zning ta’sir kuchini yana-da oshir­gan. She’r so‘zi bilan kuyi bir-biriga monand qo‘shiqqa aylanib, har ikkisi tinglovchi va o‘quvchi ko‘nglidagi tuyg‘ularga hamohang bo‘lganda, so‘zning ta’sir qudrati yana-da ortadi. Ba’zi qo‘shiqlar musiqasi yoqimsiz bo‘lganidan go‘zal so‘zning ta’sir kuchi ham yo‘qolib ketadi. H. Xudoyberdiyevaning ushbu she’riga kuy yozgan bastakor so‘zni shunchalar nozik his qilgan, unga monand kuyni ko‘ngli bilan topganki, qo‘shiq sami-miy ijrosi bilan tinglovchiga huzur bag‘ishlaydi.

She’rning birinchi misrasidayoq qahramonning romantik tuyg‘ular egasi ekanligini ko‘rish mumkin:Men seni topgandim, ammo yaxshi qol,

Sen: «Yaxshi qol!» – degil, «Ko‘rishguncha»mas.
Bul quyosh hali ko‘p ol bo‘ladir, ol,
Bul oy ham umrimga ko‘p qiladir qasd.

Misradagi «topgandim» so‘zi shundan, ayni shu zamonda, ichki bir armon, afsus-nadomatdan dalolat beradi. Inson «topdim» degan so‘zni qidirgan, istagan yoki orzu qilgan narsasiga erishgan-da qo‘llaydi. Demak, Qiz yigit timsolida orzusidagi muhabbatni, ishqida telbavor Majnunni topdim deb o‘ylagan. Shu misraning o‘zidayoq «ammo» so‘zining keltirilishi uning adashgani, muhab-bat borasida xatoga yo‘l qo‘yganini ko‘rsatadi. Tiyiqsiz tuyg‘ular yetovida yurgan, xayolan oq otlik shahzodani kutgan bo‘y qiz o‘z nazdida orzulariga erishgan edi, lekin u visoldan kutilgan natijani – baxtdan mastlik lazzatini tuyolmadi. Orzulari sarob bo‘lib chiqqa-nini tezda payqadi.

Albatta, she’rda ko‘ngildagi muhabbatning topilishi bilan uning sarob ekanini anglash va bu muhabbatdan voz kechgungacha bo‘lgan oraliqdagi hayot mashaqqatlari, «yaxshi qol» degan qarorga kelgungacha ruhiyatda ro‘y bergan kurash hamda bu jarayondagi qiynoqlar haqida hech so‘z deyilmaydi. Oradagi butun boshli hayot «topgandim» va «ammo» so‘zlari hamda ular orasidagi vergulga joylashtirilgandek tasavvur paydo bo‘ladi kishida: «Men seni topgandim, ammo yaxshi qol». Buni ruhi bezovta she’rxon o‘zi anglab oladi.

Ko‘rinadiki, Qiz – katta jur’at egasi. Ayollar Allohning itoatkor, taqdir yetoviga bo‘ysunuvchan yaratig‘i, degan tasavvur mavjud. Haqiqatdan ham, ayollar tabiatan orqasida suyanchig‘i bo‘lishiga moyil xalq. Shoiraning qahramoni esa isyonkor. U taqdirga qarshi chiqa olgan, uzul-kesil qarorni qabul qilishga o‘zida kuch topa bil-gan ayol. Bunga hamma ayol ham qodir emas. Qiz ertaga hayotida nimalar bo‘lishini, kelajakda uni qanday sinovlar kutayotganini bilmaydi, lekin muhabbatsiz yashashni, aybsiz bir odamni aldash-ni istamaydi. Qolaversa, nega shunday qilayotganini asoslab ham o‘tirmaydi. Uning asosi she’rxonga butun matnni o‘qish davomida ayon bo‘ladi.

Bandning ikkinchi misrasida qahramon Jabrlanuvchiga hech qanday umid qoldirmaydi, u bilan abadiy xayrlashishini ma’lum qiladi: «Sen: «Yaxshi qol!» – degil, «Ko‘rishguncha»mas». Qizning qarori o‘tinch emas, hukm. Lekin bu hukm she’rda o‘ta yumshoqlik bilan bayon etilgan. Agar bu fikr «yaxshi qol» degin» yoki «yax-shi qol» de» tarzida ifodalanganda edi, talab, buyruq ohangi yu-zaga kelgan bo‘lardi. «Sen «yaxshi qol» degil» – ya’ni «n» tovushi o‘rniga «l» tovushining qo‘llanilishi ifodani ancha yumshatgan. Chunki Qiz ko‘ngil og‘rig‘ining hisob-kitobi borligini juda yaxshi biladi. Shuning uchun imkon qadar og‘riqni yumshatishga, ikkin-chi bir qalbni ayashga harakat qilingan.

Keyingi ikki misra shoira bilgichligining isbotidir: «Bul qu­ yosh hali ko‘p ol bo‘ladir, ol, Bul oy ham umrimga ko‘p qiladir qasd». Quyoshning «ol bo‘l»ishida Qiz uchun tabiatning jazosi bor. Ma’lumki, Quyosh o‘z nurlari bilan ba’zi yaratiqlarni yayra­ tib-yashnatsa, ba’zilarini qovjiratib-quritib yuboradi. Bu o‘rinda Qizning o‘z xatti-harakatini ikkinchisiga daxldor sanashi ko‘rinadi. Qolaversa, oy ham quyoshga sherik. U ham jafokor qizning um-riga qasd qiladi. Qiz bu isyoni uchun yuqoridan jazolanishini bi-ladi. Ma’lumki, dardkash inson kechalari bedor bo‘ladi. Bedorlik esa kishini o‘ylashga, o‘z xatti-harakatlarini taftish qilishga majbur qiladi. Bu taftish jarayonida Qiz xatolari uchun o‘zini o‘zi «yeb» boradi va bu, pushaymon va hijolatlik, o‘z-o‘zidan uning umrini egovlaydi – joniga qasd qiladi. Ushbu misralarni o‘qigan kishida qiz bu vaziyatda aqlining emas, ko‘nglining yetovida ish tutgani uchun tabiat ham uni jazolaydi, jabrlangan bir ko‘ngil uchun un-dan o‘ch oladi, deganga o‘xshash tasavvur paydo bo‘ladi. Ayni zamonda, she’rxon inson hamisha ham aqlining yetovida yura olmasligi, ba’zan ko‘ngli g‘olib kelib, dil amri bilan ish ko‘rgani sabab jazolanishi haqida o‘yga toladi. Hayotda shunday vaziyatlar bo‘ladiki, ba’zan ko‘ngil tilaklarini bosishga inson aqlining kuchi yetmay qoladi. Odam aqlda ixtiyorli bo‘lsada, ko‘ngilda beixtiyor bo‘ladi. Ayni vaqtda, ko‘ngil yetovida yurgani bois ko‘p turtki yeydi, azob tortadi. Odam bu holni tushunolmaydi va adolatsiz-lik sanaydi. Inson har qanday intilish visol bilan yakun topishini istaydi. Adabiyotshunos Q. Yo‘ldoshevning: «…har qanday ay-riliq ham insonni uchrashuv tomon, visol sari yetaklaydi. Biz hayot va inson tuyg‘ularining inja aksi bo‘lmish she’riyatda ham tasvir nishabi, albatta, shu tomonga burilishiga ko‘nikkanmiz», – degan fikri ham shundan dalolat. Lekin qarangki, visol hamisha ham, hammaga ham kutilgan natijani beravermas ekan. Har bir inson o‘zicha betakror yaratiq bo‘lgani kabi uning taqdiri ham qaytaril-masdir. Hamma ham umumiy mezonlarga tushavermaydi. Tanlash esa o‘sha odamning xarakteri va ma’naviy olamiga bog‘liq bo‘ladi. She’rning qahramoni ham o‘z taqdir yo‘lini o‘zi tanlaydi.

Bandning so‘nggi misrasida «bu» ko‘rsatish olmoshi «bul» shaklida qo‘llanilgan. Bittagina «l» tovushi qizning isyoni daraja-sini bir qadar yumshatib, ikkinchi bir dilni og‘ritgani uchun o‘zi kechayotgan iztirobining balandligini ifodalagan. Misralardagi «bo‘ladir», «qiladir» so‘zlarida oxirgi «r»ning orttirilishi ham ifo-dani ma’lum darajada yumshatgan, ham ikkinchi dilning iztirobini yengillatishga moyillik bordek tuyuladi. Jazo ko‘lamining kengli­ gini yaxshi anglab turgan isyonkorning xatti-harakati oshiqqa og‘ir botmasligi uchun shunday qilinganday tasavvur paydo bo‘ladi, o‘quvchida. She’rning bu misralaridagi ifoda «Bu quyosh hali ko‘p ol bo‘ladi, ol, Bu oy ham umrimga ko‘p qiladi qasd»dan ko‘ra an-cha yumshoq ekanligi ham ko‘rinib turibdi.

She’rning ikkinchi bandida g‘amga botgan «aybdor» o‘z yog‘iga o‘zi qovurilayotgani tasvirlangan:

Sen sherik bo‘lmaysan endi g‘amimga,

Darvoqe, hech qachon sherik qilmadim.
Xayr endi, ma’zur tut ortiq-kamimga,

Men seni Layliday seva olmadim.

Qiz dard-iztiroblarini hech kim bilan bo‘lisholmaydi, jabrdiyda yigit bilan-ku, inchunun. Chunki u bilan avvallari ham hech narsani o‘rtoqlashmagan, na g‘amiga, na shodligiga uni sherik qila olgan. Boisi, ular aslida boshqa-boshqa dunyoning odamlari. Qiz yigitni kamsitmaydi, lekin yigit uni hech qachon tushunolmasligini ham yaxshi biladi. U oshig‘idan yozg‘irmaydi ham. Bu yigitning ham aybi emas. Balki mana shu haqiqat qizning dardini yengillashtirar?! Vijdoni oldida o‘zini oqlashga asos bo‘lar?! Bularning hammasini anglab yetgan, faqat kechroq tushungan qiz oshig‘iga bor vaziyatni tushuntirishga harakat qilarkan, hamma-hammasi uchun uni kechirishini so‘raydi: «…ma’zur tut ortiq-kamimga».

Yigitning aslida kimligiga aqli yetib turgan qiz qanday qilib oshig‘ini Laylidek seva olsin? Laylidek sevish – oshiq uchun o‘zlikdan kechish-ku! She’rda oshiq va uning tabiati haqida hech narsa deyilmagan. Lekin qizning nazarida u Laylidek sevishga mu-nosib emas, tuyg‘ulari jo‘sh urgan, orzular qanotida uchib yurgan qiz istagan odam emas. Shundan kelib chiqib, yigitning kimligini taxmin qilish mumkin. Agar u tuyg‘ular kishisi bo‘lganida shoi-raning qahramoni: uni «Layliday sev»ib qolishi tabiiy ham edi va «Layliday seva olma»gani uchun hijolat chekishga o‘rin qolmasdi. Qolaversa, sevish yoki sevmaslik insonning ixtiyorida emas. Se­ vish – ko‘ngilning ishi. Uni odam aqli bilan boshqarolmaydi. Agar muhabbat ishiga aql aralashsa, u muhabbat emas, hisob-kitobga aylanadi. Demakki, bu tuyg‘u rost bo‘lmaydi. She’rning qahra-moni – Qiz esa yolg‘onlarga qodir emas. O‘zini ham, o‘zgani ham aldagisi yo‘q. Shuning uchun mardonavor kechishga o‘zida kuch topa olgan. U – boshqacha yashashga buyurilgan odam. Shu bois oshig‘idan chinakamiga rozi-rizolik tilamoqda, abadul-abad vido­ lashmoqda: «Xayr endi…».

She’rning uchinchi bandida asar qahramonining yigitga achi-nayotgani ham yaqqol seziladi:

O‘rtanma bul xato mushkullaridan,

Yo Rabbiy, lahzada bor orzular puch.
Men ham qaydan bilay ishq yo‘llarida –

Majnun emas, Senga kelarimni duch…

Har ikkovi tushib qolgan holat xatoning oqibati. Bu xato-da, balki har ikki tarafning ham aybi bordir. Balki, ikkalasi ham bir-birini sevmas. Faqat taqdirlarida shu ko‘rgilik borligi uchun yo‘liqishgandir. Yo‘l qo‘yilgan bir xato sabab kishining boshiga olam-olam tashvishlar yog‘ilishi mumkin. Oshiq ham fikr kishisi ekanini qiz biladi. Shuning uchun undan qiynalmaslikni o‘tinadi. O‘rtanmaslikning, albatta, iloji yo‘q. Ma’nan sog‘lom odam taqdiridagi, hayotidagi muammolardan, ayniqsa, bu kabi nomu-tanosiblikdan, o‘ylamay bosib qo‘yilgan qadamlardan qiynalmas-ligi mumkin emas, albatta. «Yo Rabbiy, lahzada bor orzular puch» misrasi ushbu vaziyatdan qiz larzaga tushayotganini ko‘rsatadi. Bu misradagi «lahza» so‘zida «ammo yaxshi qol» degan vidolashuviborasining aytilgunigacha bo‘lgan oraliq nazarda tutilgan. Bu so‘zni aytish qizning o‘zini ham qo‘rqitib yuborgan. Lekin aytilgan gap, otilgan o‘q – hammasi tamom bo‘ldi.

Bandning so‘nggi ikki misrasida she’r qahramonining armon-lari ham o‘z aksini topgan. U «ishq yo‘llarida» o‘z Majnuniga duch kelishni istagan, Laylidek sevilishni, sevishni orzu qilgandi. Taqdirlarida bunday burilish bo‘lgani uchun, albatta qiz aybdor emas, lekin insofli bir odam sifatida u o‘zini gunohkor his qilyapti. «Men ham qaydan bilay ishq yo‘llarida – Majnun emas, Senga ke-larimni duch…». Bu Qizga bir umrlik armon bo‘lishi ham mumkin. Kim biladi, endi umrining qolgan qismida u o‘z Majnunini balki topar, balki topmas. Balki shu baxtdiru, qahramonimiz buning qad­ ri ga yetmay, uning baxt ekanligini bilmay kiyasiga qolar?! Buni kelajak ko‘rsatadi. Inson oldida nimalar borligini, hayotda uni ni-malar kutib turganini bilmaydi.

Islomiy qarash bo‘yicha, tikon ham insonga Allohning amri bilan kirarkan. Demak, hammasi Yaratgan tomonidan nazoratda. Fazilatlar uchun rag‘bat, gunohlar uchun jazo tayin. She’r qahra-monlarining boshiga tushgan bu ko‘rguliklar ham ularning taqdirida bo‘lgan. Ulug‘bek Hamdam: «Nimasini aytay, qodir egam insonga bir ko‘chadan o‘tishni taqdir qilgan esa, qarshisida son-sanoqsiz boshqa ko‘chalarning darvozalari lang ochiq va u ming urinib shulardan biriga kirmoqchi bo‘lsa-da, niyatiga yetmas ekan»119, – deganida haq edi. Qiz ham, uning sevgisiga sazovor bo‘lolmagan yigit ham kelajakda nimalarga mustahiq ekanliklarini boshlariga tushganda ko‘radilar. Bilib-bilmay taqdirlari sari boradilar.

Xullas, shoira Halima Xudoyberdiyeva bu she’rida o‘z fik­ ri va qarashiga ega bo‘lgan ko‘ngil kishisining chin tuyg‘ularini uning o‘zidek his qilgan hamda samimiy ifodalay bilgan. Bunga o‘quvchisini ham ishontira olgan.