Pedagogikaliq instituti fizika-matematika fakulteti fizika oqitiw metodikasi kafedrasi

ÓZBEKSTAN RESPUBLIKASI JOQARI HÁM ORTA ARNAWLI BILIMLENDIRIW MINISTRLIGI
ÁJINIYAZ ATINDAǴI NÓKIS MÁMLEKETLIK
PEDAGOGIKALIQ INSTITUTI


FIZIKA-MATEMATIKA FAKULTETI


FIZIKA OQITIW METODIKASI KAFEDRASI
3-b kurs studenti Nawrızbek Turdıǵaliyevtiń
Uliwma fizika
KURS JUMISI
Tema: Elektr shınjırındaǵı terbelisler .Transformator
Kafedra baslıǵı: f.m.i.k.,doc.prof.A. B.Kamalov
Ilimiy basshısı: f.m.i.k.,doc.prof.A.B.Kamalov
Tayarlaǵan: N.Turdiǵaliyev


Nókis-2023 jıl
Mazmunı:
Kirisiw
I. Tiykarǵı bόlim
1.1. Tabiyatda terbelisler hám olardıń xarakteristikaları.
1.2. Elektromagnit indukciya qubılısı.
II. Transformatorlar
2.1. Transformatordiń paydali jumis koefficienti.
2.2. Úsh fazalı kush transformator
Jumaqlaw
Paydalanılǵan ádebiyatlar

Kirisiw
Mámleketimiz prezidentiniń «Fizika tarawındaǵı tálim sıpatın asırıw hám ilim izertlewdi rawajlandırıw shara-ilajlar tuwrısındaǵı» PQ-5032-sanlı 19.03.2021 qararında «Búgingi kúnde tálim mákemelerinde fizika pánin oqıtıw sapasın asırıw, tálim processine zamanagóy oqıtıw uslların engiziw, intalı oqıwshılardı tańlap alıw, miynet bazarına básekige shıdamlı qániygelerdi tayarlaw, ilimiy izertlew hám innovaciyalardı rawajlandırıw hámde ámeliy nátiyjelikke jóneltiriwge úlken itibar qaratılıp, sheshimin tappaǵan qatar máseleler fizika tarawında tálim sapası hám ilimiy izertlew nátiyjeliligin asırıwǵa qaralǵan ilajlardı ámelge asırıw zárúrligin kórsetip ótti» [1]. Qararda respublikamız prezidenti tiykarǵı maqset hám wazıypaları etip tómendegilerdi belgilep berdi:

• 
  Ulıwma bilim beriw mákemelerinde fizika pánin oqıtıw sapasın asırıw, sabaqlıqlar hám oqıw qollanbaların jetilistiriw ;
  
• 
  fizika páni boyınsha kadrlardı, atap aytqanda, awıllıq jerlerdegi mekteplerdiń oqıtıwshıların tayarlaw, qayta tayarlaw hám mamanlıǵın asırıw sistemasın rawajlandırıw;
  
• 
  tálim processine zamanagóy oqıtıw usılların, sonday-aq informaciyalıq-kommunikaciya texnologiyaların keń engiziw;
  
• 
  pedagog kadrlar hám oqıwshılardıń fizika pánin biliw dárejesin bahalaw, ziyrek jaslardı anıqlaw hámde olardıń jergilikli hám xalıq aralıq pán olimpiadalarda tabıslı qatnasıw hámde belgili orınlardı iyelewdi támiyinlew;
  
• 
  joqarı oqıw orınlarında fizika pánlerin oqıtıwdıń integrativ principlerin engiziw, jańa tálim bazarında talap joqarı bolǵan qániygelikler boyınsha kadrlardı tayarlawdı jolǵa qoyıw arqalı jaslardıń fizika tálimi menen qamtıp alıw dárejesin asırıw;
  
• 
  ilimiy izertlewlerdiń hám innovaciya islerdiń nátiyjeliligin hám ámeliy áhimiyetin asırıw.
  

Qararda atap ótilgen tiykarǵı maqset hám wazıypalardı orınlaw ushın álbette biz bolajaq fizika oqıtıwshılarına úlken juwapkershilik júkleydi.