Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich
Download 4.88 Mb. Pdf ko'rish
|
O`zbekiston tarixi
|
Sog’likni saqlash sahasida «OITS» bilan kasallanishning oldini olish»
(1991), «Davlat sanitariya nazorati» (1992), «Fuqarolar sog’lig’ini saqlash» (1996), «Dori vositalari va formasevtika faoliyati» (1997), «Odamning immunitet tanqisligi virusi» (1999) to`g’risidagi qonunlar qabul qilindi. O`zbekistonning birinchi ordeni 1993 yil 4 martda Prezident farmoni bilan ta’sis etilgan «Sog’lom avlod uchun» ordenidir. Konstitusiyaning 40-moddasida «Har bir inson malakali tibbiy xizmatdan foydalanish huquqiga ega» - deyilgan. Vazirlar Mahkamasi inson salomatligi to`g’risida «Sog’lom avlod uchun» jurnalini tashkil etish» (1995), «YOsh avlodni sog’lomlashtirish muammolarini kompleks hal etish», «O`zbekiston Respublikasida tibbiy va farmasevtika sanoatini rivojlantirishni davlat tomonidan qo`llash tadbirlari» (1996), «O`zbekiston Respublikasi sog’liqni saqlash tizimida boshqarishni takomillashtirish» (1999) to`g’risida qarorlar qabul qildi. Kasalxona muassasalari soni 1991 yilga kelib 1370 taga, vrachlar soni 71,1 mingga etdi. Sog’liqni saqlash ehtiyojlari uchun milliy daromadning 1994 y. - 4,1 % i, 2000 y. - 7,5 % i miqdorida mablag’ ajratildi. Prezident Farmoni bilan 1998 yil 10 noyabrda «2006 yilgacha sog’liqni saqlash tizimini isloh qilish Davlat dasturi» qabul qilindi. Respublikada 2002 yil 3471 ta ambulatoriya-poliklinika, 1057 ta shifoxona tibbiy xizmat ko`rsatdi. Xalq salomatligi yo`lida AQSH, Shvesariya, Vengriya, Rossiya, Boltiqbo`yi mamlakatlari, Yaponiya, Xitoy bilan o`zaro hamkorlik aloqalari o`rnatilgan. Namanganda 1993 yil iyunda ishga tushirilgan 120 o`rinli Kardiologiya markaziga Boltiqbo`yi, SHvesiya, Vengriya, Yaponiya davlatlari zamonaviy tibbiyot apparatlari olib kelib o`rnatdi (10 ming bemor salomatligini tikladi). Namanganda 1995 yil avgustda ishga tushirilgan 120 o`rinli «Oromgoh» dispanseriga Boltiqbo`yidan nur bilan davolovchi AGAT-R-1, YAponiyadan oshqozon-ichak, o`sma kasalliklarini aniqlovchi gastrofibraskop, Sankt-Peterburgdan Lazer-Yava-3 apparati olib kelindi. 522 «Sog’lom avlod uchun» jamg’armasi va «Amerilares» tashkiloti o`rtasida 1991 yil bitim imzolandi («Amerilares» tashkilotidan 12 mln. dollar qiymatga ega muruvvat yordami oldi). «Umid» deb nomlangan birinchi tadbirda AQSHning 5 ta xalqaro xayriya tashkiloti tibbiyot mutaxassislari vakillari katta miqdorda muruvvat yordami olib keldi. AQSH (Amerilares) bilan o`zaro hamkorlik «Sog’lom avlod yili»da (2000), «Onalar va bolalar yili»da (2001) yanada faollashdi. Prezidentning 1998 yil 10 noyabrdagi “Sog’liqni saqlash tizimini isloh qilish Davlat dasturi to`g’risida”gi farmoni va Hukumat qarori aholiga tibbiy xizmat ko`rsatish sifatini yaxshilashda muhim ahamiyatga ega bo`ldi. 2001 yil martda 1- klinik shifoxona negizida Respublika shoshilinch tibbiy yordam ko`rsatish ilmiy markazi barpo etildi. Qurilishga 4 mlrd so`m sarflandi, markazda 760 o`rinli 8 ta jarrohlik markazi tibbiy xizmat ko`rsatmoqda. Davlat dasturiga binoan Qoraqalpog’iston va barcha viloyatlarda Respublika shoshilinch tibbiy yordam ko`rsatish markazining filiallari, 171 ta tuman markaziy shifoxonalarida bo`limlar tashkil etildi. Markaz va uning filiallari zamonaviy uskunalar sotib olishi uchun Ispaniya 10 mln evro kredit, Yaponiya 7 mln dollar grant berdi. Germaniya, AQSH, Isroil grant va kredit ajratmoqda, AQSH, Germaniya tibbiyot uskunalari, dori bermoqda. Tibbiy xizmat ko`rsatishning rivojlangan tizimi bunyod etildi. 1991-2001 yy. 19,5 ming o`rinli shifoxonalar, 95,7 ming tashrifli poliklinikalar qurildi, 1991 yil 1300 ta shifoxona bo`lgan bo`lsa, 2001 yil 1500 tadan ortdi. Ambulatoriya-poliklinikalar soni 1990 yil 3139 ta bo`lgan bo`lsa, 2010 yil 2 baravar ko`payib, 5886 taga etdi. Qishloqlarda 2000-2010 yy. 3208 ta qishloq vrachlik punkti tashkil etildi. Farmasevtika korxonalari 1994 yil 47,2 mln so`mlik 34 xil mahsulot ishlab chiqardi, 2001 yil 12 mlrd so`mlik 340 xil mahsulot ishlab chiqardi. Aholining dori-darmonga bo`lgan ehtiyojini 1994 yil respublikada ishlab chiqarilgan mahsulot hisobiga 4,5 % ga qondirildi xolos, 2001 yil 25 % gacha o`sdi, 50 dan ortiq davlatdan dori-darmon keltirildi, chetdan dori vositalari keltiruvchi tashkilotlar 2001 yildan qo`shimcha qiymat solig’idan ozod etilgan. 523 “Dori-darmon” davlat aksionerlik uyushmasi 1994 yil tashkil etildi, davlat tasarrufidagi 2525 ta dorixonalarning ko`pchiligi xususiylashtirildi, 2001 yil xususiy dorixonalar 2722 taga etdi. Dorixona muassasalari soni 1990 yil 835 ta bo`lgan bo`lsa, 2010 yil 4837 taga etdi, qariyb 6 baravar ko`paydi. Download 4.88 Mb. Do'stlaringiz bilan baham: 
|