Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

3-§. Milliy tiklanishdan – milliy yuksalish sari. 
O`zbekiston Respublikasi istiqlol yillarida erishgan yutuqlarga tayanib, 
milliy tiklanishdan – milliy yuksalish sari dadil qadam qo`ymoqda. Mamlakat 
taraqqiyotini yanada yuksak bosqichga ko`tarish maqsadida Harakatlar strategiyasi 
qabul qilindi. Bu noyob hujjatda belgilangan ulug’vor vazifalarni ro`yobga 
chiqarishga qat’iy kirishilgani yangi ufq va imkoniyatlar ochib bermoqda. Dunyo 
miqyosida raqobat keskinlashib borayotgan hozirgi murakkab davrda mamlakatni 
ilm-fan yutuqlari, yuqori texnologiyalar asosida modernizasiya qilish va yangilash 
eng muhim vazifaga aylanmoqda. 
Ana shunday o`tkir talabni chuqur anglagan holda, 2018 yil Faol 
tadbirkorlik, innovasion g’oyalar va texnologiyalarni qo`llab-quvvatlash yili, 
deb e’lon qilindi. Bu borada qabul qilingan Davlat dasturida 11 trillion 200 
milliard so`m va 1 milliard 300 million AQSH dollari hajmidagi ishlarni amalga 
oshirish ko`zda tutilgan. Dastur ijrosini ta’minlash uchun keng ko`lamdagi ulkan 
ishlar olib borilmoqda. 

---

598 
Mamlakatda faol investisiya siyosati yuritilmoqda, zamonaviy korxonalar 
barpo etilmoqda, soliq tizimi tubdan isloh qilinib, tadbirkorlik va xususiy mulkni 
rivojlantirish, barcha soha va tarmoqlarda innovasiya, ilm-fan yutuqlari, yangicha 
va ijodiy yondashuvlarni joriy etishga alohida e’tibor berilmoqda. Qishloq 
xo`jaligida zamonaviy, istiqbolli tarmoqlarga asos solish, klaster tizimini yo`lga 
qo`yish, fermer xo`jaliklarining natijadorligini kuchaytirish bo`yicha amaliy ishlar 
olib borilmoqda. 
Mamlakatda makroiqtisodiy barqarorlik ta’minlanmoqda. Eng ustuvor 
vazifa bo`lgan aholining hayot darajasi va sifatini yuksaltirish bo`yicha katta 
hajmdagi ishlar amalga oshirilmoqda. Ayniqsa, “Obod qishloq” va “Obod 
mahalla” dasturlari mamlakatning eng chekka hududlariga ham yangilanish 
nafasini, bunyodkorlik ruhini olib kirmoqda. Odamlarning fikri, dunyoqarashi 
o`zgarmoqda, qishloqda turmush madaniyati oshib bormoqda. Butun mamlakatni 
qamrab olgan mazkur dasturlar doirasida 416 ta qishloq va 105 ta mahallada 
qurilish va obodonlashtirish ishlari jadal davom etmoqda. Bularning barchasi 
O`zbekistonning yangi, obod qiyofasini yaratish, xalq farovonligini oshirishga 
xizmat qilmoqda.
Aholining zamonaviy uy-joyga bo`lgan talab va ehtiyojlarini ta’minlash 
maqsadida joriy yilda 13 ming 900 dan ziyod oilaga mo`ljallangan 335 ta ko`p 
qavatli turar joy foydalanishga topshirildi. 2018 yil oxirigacha bu raqam 2017 yilga 
nisbatan 2 barobar ko`payadi. Ana shu yo`nalishdagi ishlar qishloq joylarda ham 
yangilangan loyihalar asosida olib borilmoqda.
Hozirgi kunga qadar qishloqlarda 40 mingta oila yangi xonadonlarga 
ko`chib kirdi. Bu borada biz ilgari etarlicha e’tibor bermagan muhim masala – 
ya’ni, kam ta’minlangan, nogironligi bo`lgan insonlarga alohida g’amxo`rlik 
ko`rsatilmoqda. Buning tasdig’ini o`tgan 2 yilda 1000 nafardan ortiq shu toifaga 
mansub insonlar uy-joy bilan ta’minlangani misolida ko`rish mumkin. Albatta, 
bunday o`zgarishlar ming-minglab oilalar hayotiga shodlik va baxt olib kelmoqda.