Психолог ўзи ким

2) Psixolog- insonlar uchun ularning muammolarini hal qilib beradi! Bo’lmagan gap! Psixolog shunday muhitni va shunday vaziyatlarni yaratadiki bunda inson o’z muammosini o’zi hal qila oladigan holatga kelib qoladi. Ko’shimcha tarzda shuni aytish mumkinki, psixologdan faqatgina konsultattsiya olish uchun unga murojaat qilgan insonlar bilan ishlaydi. Va u faqatgina o’zini o’zgartirishga (atrofdagilarni emas) qodir va tayyor insonlarga yordam bera oladi.
Psixologga quyidagi savollar berilishi kerak emas:
-erimni "toza suvga" olib chiqishga yordam bering;
-qizim o’sha bezori bilan uchrashmasligi uchun nima qilishim kerak;
-siz shunday qilingki direktorim maoshimni oshirib bersin;
SHu o’rinda bir latifa esimga tushdi: Oldinlari meni o’zimning katta burnim va sepkillarim juda qattiq xavotirga qo’yardi:
-nima plastik jarrohga borib operatsiya qildirdingmi?
-yo’q men psixologga murojaat qildim, va endi ular meni aslo xavotirga solmayapti.
3- Psixolog insonlarni kim ekanligini oldindan aytib beradi! Bu o’ta mubolag`ali vaziyat. Aslida psixolog ma`lum ma`noda biron bir insonni u yoki bu vaziyatda qanday ish tutishi mumkinligini tahlil qila oladi. Ammo bu undan yuksak professionallikni talab qiladi. Psixolog shaxsining xususiyatlarini, uning xarakteri, temperamenti, mavjud vaziyati haqida ma`lumotlarga ega bo’lib olishi lozim.
4. Psixolog- ilohiy kuch egasidir! fol ochish, uchinchi ko’z, kosmosdan informatsiyalar qabul qilish…..YUqoridagilarning hech biri psixologik bilimlar sirasiga kirmaydi va psixologlar oliy ta`lim muassasalarida ularning hech birini o’rganmaydilar. Bu muammolar bilan "parapsixologiya" sohasi shug`ullanadi. "para" ko’shimchasi "deyarli" , "o’xshash" degan ma`noga ega. Bu esa psixologiyaga yaqin, shunga o’xshash soha demakdir. SHu bilan birga psixolog istasa bunday holatlarga ishonadi istamasa esa yo’q!
5) Psixolog barcha muammolarni hal qila oladi! Psixolog mijozlari uchun muammoni hal qilmaydi balki ularga bunda yordam ko’rsatadi. Ammo biron bir qarorni psixolog yordamida qabul qilish bir qancha omillarga bog`liq:
-Uning tayyorgarlik darajasi (bu psixologning qancha oliygohni bitirgani qancha kitob o’qigani bilan emas, balki ulardan qanchasini tushunib, o’qigani bilan belgilanadi);
-Professional faoliyati uchun zarur bo’lgan shaxs sifatlari (tinglash qobiliyati, mijozning emotsional holatini his qila olish qobilyati, intuitsiya, kreativligi);
Mijozlar bilan bog`liq omillar ham mavjud. Bular:
-Ushbu vaziyat ustidan javobgarlik hissining mavjudligi;
-Muammolarini echishda psixologga yordam berish va o’zini o’zgartira olish;
-Psixolog bilan ochiq, samimiy va haqqoniy muloqot qilish.
Eng yaxshi natijalarga faqatgina psixolog va mijoz orasida o’zaro ishonch, simpatiya mavjud bo’lgandagina erishish mumkin.