Psixodiagnostikadan savollar va javoblar

Psixodiagnostika fanida psixologik treninglarni qo‘llash
Tanishuv treningi
1."Olma"
Qatnashuvchilar davra bo‘lib o‘tiradilar. Boshlovchi "Mening ismim…. Men …ni yaxshi ko‘raman (xohlagan narsa yoki kishining ismini aytish mumkin),- deydi va olmani biron kishiga qarab otadi. Olmani ilib olgan ishtirokchi ham o‘zini shunday tanishtiradi va olmani boshqa ishtirokchiga uzatadi. Keyin barcha ishtirokchilar o‘zlarini tanishtirib bo‘lgunlariga qadar davom yetadi.
Ishtirokchilar tanishtirish jarayonida aytish mumkin bo‘lgan jumlalar:
Men …ni yaxshi ko‘raman
Men yoqtiragan gul ….
Men yoqtiradigan rang ….


Ishchanlik muhitini yaratuvchi o‘yinlar
2. "Azizim, men sizga yoqamanmi?"
Maqsad: diqqatni bir joyga to‘plash, jimlikni saqlash, xotirani yaxshilash.
Hamma doira shaklida o‘tiradi. Boshlovchi o‘zining o‘ng yoki chap tomonida o‘tirgan ishtirokchidan: "Azizim, men Sizga yoqamanmi?",- deb so‘raydi. So‘ralgan odam esa quyidagicha javob beradi:"Azizim, siz menga yoqasiz, lekin men sizga tabassum hadya eta olmayman". Boshlovchi o‘sha odamning tabassum qilishiga yerishish uchun turli hil yuz ifodalaridan, qiziqarli narsalarni gapirib berishdan, qiliqlardan va oxirgi chora sifatida qitiqlashdan foydalanishi mumkin. Shu yo‘sinda ishtirokchilar navbatma-navbat o‘yinni davom ettiradilar. Yetakchi o‘yin jarayonida nima mumkin yoki mumkinmasligini belgilab, nazorat qilib turadi. Masalan, "Yo‘q, menga yoqmaysiz", deyish mumkin emas. O‘yin to oxirgi ishtirokchi boshlovchini tabassum qilishiga erishmaguncha davom etadi.


3."Barmoqni ushlab ol"
Ishtirokchilar doira bo‘lib o‘tirishibdi. Trener:"Hozir hammamiz
1-deganimda o‘ng qo‘lning ko‘rsatkich barmog‘ini ko‘taramiz
2-deganimda chap qo‘limizni chap tomondagi sherigimizning ko‘rsatkich barmog‘i ustiga qo‘yamiz.
3-deganda esa o‘ng qo‘l barmog‘imizni olib qochib, chap qo‘limiz bilan sherigimizning barmog‘ini ushlab olamiz"- deydi.
(ko‘rsatkich barmoq tepaga qaratildan holda yelkadan pastroq va yon tomonda tutiladi).Qo‘li ushlangan odam qandaydir savolga javob berishi yoki shart bajarishi kerak.