Psixologik trening asoslari fanidan

Psixoanaliz nazariyasi psixodinimik yo’nalish katoriga kiradi.

Psixodinamik yo’nalish tarkibiga Yana Adlerning individual psixologiyasini va Yungning analitik psixologiyasini kiritish mumkin.

Adler T., Z.Freydning shogirdi, keyinchalik esa undan ajralib o’z nazariyasini ishlab chiqqan olimdir. Uning fikricha, odamda asosan xukmdorlikka intilish xissi ustun turadi. Bolalikdagi bunday intilish unda o’zini to’liq anglamaslik xissini paydo qiladi. Natijada u kattalarga nisbatan o’zini kamsitilgan deb xisoblaydi. Mazkur psixologik xolat odamning bundan keyingi xayotida muammolar kelib chiqishiga sabab bo’ladi. Ayrim odamlarda bu xis kamsitilganli majmuasini (kompleksini) keltirib chiqarsa, boshqalarda esa ustunlik majmuasini (kompleksini) keltirib chiqaradi. Adlerning fikricha, bu ikki majmua inson faoliyatining asosidir.

Psixolg Yung xam Freydning shogirdlaridan biri edi. U xam aloxida bir yo’nalish, ya’ni analitik psixologiyani ishlab chiqqan. Yungninig fikricha, libido (jinsiy alokaga intilish) inson yashashi, turmush kechirishi uchun zaruriy extiyojlar energiyasidir. Uningcha, libido fakat seksuallikdan iborat emas. Chunki Yung kollektiv ongsizlik mavjud bo’lishini ko’rsatib utadi. Yungning fikricha, shaxs individualizatsiya, ya’ni o’zoq davom etuvchi psixologik rivojlanish jarayoni orqali o’zini anglaydi.

Psixoanalizning terapiya sifatida qo’llanilishi murakkab va uzoq kechadigan jarayon xisoblanadi.