Q. N. Kayumov

VI. Ijtimoiy ish professional bilim va ko‘nikmalari
Ijtimoiy xodim quyidagilarni bilishi lozim:
 o‘z professional amaliy faoliyatida professional-axloqiy me’yorlarga amal
qilish;
 individuumlar, oilalar, guruhlar va hamjamiyatlar bilan ishlashni bilish;
 o‘z amaliy faoliyati davomida kasbiy-axloqiy me’yorlarga amal qilish;
 aholining turli guruhlariga (bolalar, yoshlar, ayollar, keksalar, nogironlar
va h.k.) yordam ko‘rsatishning o‘ziga xos xususiyatlarini bilish va
yordam ko‘rsata olish;
 muloqot ko‘nikmalariga ega bo‘lish (mijozlar, bolalar, hamkasblar va
boshqa mutaxassislar bilan shaxslararo muloqot ko‘nikmalari, verbal va
noverbal muloqot ko‘nikmalari);
 baholash va rejalashtirish ko‘nikmalariga ega bo‘lish (to‘liq baholash
uchun ma’lumotlar to‘plash va ularni tahlil qilish, mijoz vaziyatini
baholash asosida aniq reja va keliShuvlarni amalga oshirish, erishilgan
natijalarni muntazam tahlil qilish va o‘zgartirish);
 inventarizatsiya o‘tkazish ko‘nikmalariga ega bo‘lish (mijozlar bilan
bevosita ish olib borish, hamkasblar va boshqa mutaxassislar bilan
hamkorlik qilish, rejalarni zaruratga ko‘ra tahlil qilish va o‘zgartirish);
 ishchi yozuvlarni qayd etib borish ko‘nikmalariga ega bo‘lish (ishlar
bo‘yicha qaydlarni olib borish, hisobot va xatlar yozish, tashkilotda
o‘rnatilgan talablarga muvofiq ravishda aniq va tuShunarli yozuvlarni olib
borish);
 o‘z-o‘zini boshqarish ko‘nikmalariga ega bo‘lish (o‘z ishi va vaqtini
tashkillashtirish, o‘zining kuchli va kuchsiz tomonlarini bilish);
 rahbarning qo‘l ostida yoki nisbatan tajribali hamkasblar bilan ishlash

---

250
qobiliyatiga ega bo‘lish, o‘rganishga tayyorlik;
 nazariyani amaliyotda qo‘llash imkonitiga ega bo‘lish (ijtimoiy ish
nazariyasini bilish va tuShunish, amaliy faoliyat uchun mos keluvchi
nazariyani tanlab olish va qo‘llash ko‘nikmasi);
 ma’lumotlarni to‘plash va tahlil qilishning miqdoriy va sifatga oid
usullarini qo‘llagan holda tadqiqotlarni amalga oshirish ko‘nikmalariga ega
bo‘lish;
 zamonaviy tadqiqotlar ma’lumotlarini qo‘llagan holda isbotlarga
asoslangan amaliyotni qo‘llash;
 aholini ijtimoiy himoya qilishni ta’minlashning tashkiliy-huquqiy
mexanizmini qo‘llash;
 hamkasblar va boshqa mutaxassislar bilan jamoada ishlash ko‘nikmasini
bilish (samarali ishchi munosabatlarni rivojlantirish va qo‘llab-quvvatlash,
g‘oyalar va ma’lumotlar bilan bo‘lishish qobiliyati);
 o‘z tashkiloti manfaatlarini tuShunish va himoya qilish (tashkilot
siyosatini, uning jarayonlari, maqsad-vazifalari bilish va tuShunish,
tashkilotni taqdim qilish ko‘nikmasi);
 o‘z kasbiy layoqatini oshirishga ko‘maklashish.