Q. N. Kayumov

VII.
Ijtimoiy xodim uchun zarur bo‘lgan professional-shaxsga oid
xususiyatlar
Ijtimoiy xodim quyidagi kasbiy-shaxsga oid xususiyatlarga ega bo‘lishi va
ularni namoyon qilishi lozim:
 har bir inson qadrini so‘zsiz qabul qilish, uning huquqlarini hurmat qilish;
 odamlarning individual farqlariga ortiqcha baholarsiz munosabat,
tolerantlik;
 rivojlangan o‘z-o‘zini anglash va o‘z-o‘ziga baho berish, tanqidiy tafakkur;
 empatiya (qayg‘udosh bo‘lish va hamdard bo‘lish);
 refleksiya (fikr yuritish, mulohaza qilish qobiliyati);
 odamlar bilan muloqot o‘rnatish va ishonchli munosabatlar o‘rnatish;
 odamlarning hissiy holatiga nisbatan ziyraklik va ta’sirchanlik, hissiy
vazminlik va chidab turishlik;
 murakkab vaziyatlarni hal etishda qat’iyat va izchillik;
 xavotirlikning maqbul darajasi, ruhiy zo‘riqish holatlariga moyillikning
mavjud emasligi;
 yordam ko‘rsatilayotgan odamlar va oilalarning kuchli tomonlarini ko‘rish
va rivojlantirish;
 ruhiy zo‘riqish va murakkab hissiy vaziyatlarda ishlash ko‘nikmalari:
o‘z-o‘zini nazorat qilish, o‘z hissiyotlariva xulqini boshqarish ko‘nikmasi.
VIII. Ijtimoiy xodimlarning axloqiy maburiyatlari
Ijtimoiy xodim majburiyatlari quyidagilardan iborat:
 ijtimoiy ish mijozlarining huquq va manfaatlarini himoya qilish;

---

251
 mijozlarda ma’lumotlarning sir saqlanishiga ishontirish va ishonchini
saqlab qolishga intilish;
 xizmatlardan foydalanayotgan shaxslarning erkinlikka erishishlariga
imkoniyat yaratish va imkon qadar ularni turli xavflardan va zarar etishidan
saqlash;
 amaliyot davomida odamlar orasidagi madaniy, etnik, yoshga oid, genderli
farqlarni e’tiborga olish;
 mijozlarning huquqlarini bilish va hurmat qilish, ijtimoiy xodimning xulqi
va ishda qo‘llanilayotgan yondaShuvlar mijozlarga zarar etkazmaydi;
 ijtimoiy xizmatlarga jamoat ishonchini yo‘qotmaslik;
 o‘z faoliyati sifati va o‘z bilim va ko‘nikmalarini saqlash va
takomillashtirish uchun mas’ul bo‘lish;
 millat, yosh, diniy e’tiqod, oilaviy maqom, aqliy yoki jismoniy
xususiyatlarga, imtiyozlar, shaxsiy xislatlar va boshqalarga ko‘ra tahqirlashning
har qanday shakllarining namoyon bo‘lishini inkor qilish va bunga to‘sqinlik
qilish.