Qaraqalpaq tilin oqitiw metodikasi

Ra’wishtin’ tu’rleri boyi’nsha sabaq wo’tkende de, wo’tken sabaqtag’i’ alg’an 
bilimine su’yene woti’ri’p, sabaq baslaw kerek. Woqi’wshi’lardi’n’ bilgenlerin 
juwmaqlap, wolardi’n’ di’qqati’n taza temag’a awdari’w za’ru’r. Taza temani’n’ 
mazmuni’na sa’ykes ko’rsetpeli qurallar islewge boladi’. 
Ra’wishtin’ uli’wma tu’rleri boyi’nsha tu’sinik, yamasa tu’rli ma’nilerdegi 
ra’wish so’zler menen bir neshe ga’plerdi keltirip, awi’zeki ha’m jazba 
formalarda sa’ykes ra’wishler ma’nilik ha’m formali’q jaqtan analiz yetiledi, 
wolardi’n’ bir-birinen parqi’ belgileri ani’qlanadi’. 
Woqi’wshi’larg’a ra’wishtin’ jasali’wi’ boyi’nsha tu’sinik bergende, tilimizde 
so’zlerdin’ jasali’wi’, soni’n’ ishinde ra’wishlerdin’ jasi’li’wi’ boyi’nsha qanday
yekenligi, wolardi’n’ wo’zine ta’n qosi’mtalari’ u’stinde tiykarg’i’ ra’wish ne, 
wolardan ha’m basqa so’z shaqaplari’nan qalay ra’wish jasaladi’, do’rendi 
ra’wishler qalay payda boladi’, wolardi’n’ tu’rleri qanday degen ma’seleler 
boyi’nsha bilim aladi’. Ko’mekshi so’zlerdi woqi’ti’w mi’na tiykarg’i’ 
wazi’ypalar do’gereginde boladi’: 
-Woqi’wshi’lardi’n’ mektepte grammatika boyi’nsha bilimin tag’i’ da 
ko’mekshi so’zlerdi u’yreniw arqali’ toli’qti’ri’p bari’w, ko’mekshi so’zlerdin’ 
ha’r qaysi’si’ni’n’ wo’zine ta’n wo’zgesheligi, wolardi’ bir-birinen ayi’ra 
biliwge u’yretiw: 
-Ma’nili so’zler menen ko’mekshi so’zler arasi’ndag’i’ ayi’rmashi’li’g’i’n 
(ma’nilik, grammatikali’q), qari’m-qatnasi’n, wolardi’ bir-birinen aji’rata 
biliwge u’yretedi: 
-Woqi’wshi’lardi’n’ ko’mekshi so’zlerdi so’ylew protsessinde duri’s qollana 
biliwin, wolardi’ shatasti’ri’w jollari’n u’yretiw: 

---

-Woqi’wshi’larg’a ko’mekshi so’zler boyi’nsha teoriyali’q bilim beriw menen 
birge, sol iyelegen bilimin praktikali’q iske asi’ri’w maqsetinde jumi’s isley 
biliwge ko’nliktiriw: 
-Orfografiyali’q alg’an bilimin ja’ne de rawajlandi’ri’p bari’w ushi’n 
ko’mekshi so’zlerdin’ jazi’li’w normalari’n u’yretiw t.b.