Qаrаqаlpаqstаn respublikаsi ministrler ken’esi jаnindаg’i ortа arnаwli bilimlendiriw bаsqаrmаsi

124-shınıg’ıw. Qara ha’rip penen jazılg’an da’nekerlerdin’ ma’nilik-stillik o’zgesheliklerin aytıp berin’.
1. Irısqul biy ha’m ashıwlı, ha’m quwanıshlı so’yledi (T.Q.). 2. Ha’wizge tırıldap suw quyıwdan jan-jaqtan ha’kkelek atıp g’arqıldasqan qurbaqalar kele basladı, al o’li balıqlardın’ to’slikleri aq qag’azday jaltırap, suw betine qalıqtı (T.Q.). 3. Alliyar olardı shıramıtadı, lekin tanımadı. Boyı kishkene, biraq og’ırı iri dawıslı Su’yindik biy orınsız qızbaytug’ın g’arrı edi (T.Q.). 4. Qazan-tabaq, oshaq ornı joq, biraq ha’mme jerine kiyiz to’selgen (T.Q.). 5. Ataların’nın’ su’yeneri joq, sonda da tas ju’reklik etkisi keledi (T.Q.). 6. Qonıp ketsek-a’m bolar edi, a’tten’ bulka’ra suwıqlıq qıladı (T.Q.). 7. Menin’she, ya Aydos, ya Begis, ya Mırjıq ba-rıwı kerek (T.Q.). 8. Sol jan’alıg’ının’ biri xat jazsa da, kitap oqısa da, ha’tteki awqat jegende de stoldan paydalanıw edi (T.Q.). 9. Xosh inim! Ba’lkim ko’risermiz, ba’lkim ko’rispespiz,-dedi Borodinnin’ dawısı qaltırap (T.Q.). 10. Ja’lmen birese o’zinen o’ktemirek otırg’an Jiyemuratqa, birese esik bettegi Temirbekke qaraydı (T.Q.).
125-shınıg’ıw. Qawıs ishindegi so’zlerden keregin tan’lap, ga’plerdi ko’shirip jazın’.
1. Shayıqtın’ bul ga’pi Mamang’a unamadı, ... (biraq, lekin, sonda da) u’ndemedi (T.Q.). 2. Hawa rayı ku’nine qırq qubıladı: ... (birde, birese, ga’) quyash ko’rinip aynalanı ısıtadı, ... (birde, birese, ga’) silpilep jawın jawadı (T.Q.). 3. Tanabay g’arrı bolsa og’an ha’r waqta bir «shu’w, shu’w»- dep jılawın silkip tartıp qoyadı da, ... (tag’ı, geyde, birese) o’zi menen o’zi bolıp oylanıp qaladı (Sh.A.). 4. Ko’bisinin’ nawaları, suw saqlag’ıshları joq, ... (sonlıqtan, sonın’ ushın, nege desen’) qudıqlardın’ suwları qumg’a sin’ip, na’tiyjeli paydalanılmay atır. («E.Q.»). 5. Kelinshek onın’ ha’reketlerinen-aq a’lle na’rselerge kewli toqlıg’ın, ... (lekin, biraq, degen menen) asıg’ıslıg’ın an’g’ardı (T.Q.). 6. ... (birese, birde, geyde) tu’rkiy axun menen teren’irek ma’sla’ha’tleskisi keldi, ... (birese, birde, geyde) turg’an jerinde onın’ moynın burap, ko’pirdin’ astına tıg’ıp ketkisi keldi (T.Q.). 7. Bul du’nyada qarapayım arasında da ka’ramatlıları boladı dese isenbes edim, ... (lekin, biraq, negedur) ko’p tu’slerim da’lme-da’l keliwine qarap, o’zime-o’zimnin’ hu’rmetim artqan sıyaqlı (T.Q.). 8. Baslag’an isin’nin’ qay da’rejede alg’a ilgerilewi ... (ya, yamasa, birde) keri ketiwi, qaysı joldasın’nın’ ko’pliginen g’a’rezli (T.Q.). 9. 10. ... (Ga’, birese, geyde) orıslardın’, ... (ga’, birese, geyde) inglislerdin’, ... (ga’, birese, geyde) Iran menen Turkiya aldında jorg’alag’an qoyan (T.Q.).