Qarshi davlat universiteti informatika o’qitish metodikasi kafedrasi

13.3. O‘qitish metodlari o‘qitish texnologiyasining elementlari. O‘qitish 
metodi-metod(usul)-yunoncha so‘zdan olingan bo‘lib, “Metodos”-biror narsaga 
yo‘l ma’nosini anglatadi. Ta’lim sohasida metod – o‘qituvchi va talabalarning 
muayyan maqsadga qaratilgan, birgalikdagi faoliyatini tashkil etishning tartibga 
solingan usullar yig‘indisidir. O‘qitish metodlari haqida 3-mavzuda to‘xtalib 
o‘tganmiz [29, 87].
Informatiika fanini o‘qitish jarayonida o‘qitish texnologiyasining asosiy 
elementlaridan o‘z o‘rnida to‘g‘ri foydalanib ta’lim jarayonini loyihalashtirish 
o‘quvchilarda quyidagi kompetentlikni shakllantiradi: 
o‘rganish - informatika fanini asosiy tushunchalarini o‘qib olish, ularni 
bir-biridan farqlash, tasavvur etish, idrok etish, qo‘llay olish; 
o‘ylash - o‘rganilganlarni tahlil eta olish, informatikaga oid 
tushunchalarni butundan bo‘lakka, bo‘lakdan butunga o‘tkaza olish; 
qidirish - informatikadagi o‘quv, ijodiy topshiriqlarni, masala va 
mashqlarni yechishning yangi usullarini izlab topish; 
yaratish - o‘rganilgan yangi bilimlarga asoslanib o‘quvchi o‘zi uchun 
yangilik yaratishi; 

---

101 
hamkorlik - o‘quvchining dars va darsdan tashqari mashg‘ulotlarda fan 
o‘qituvchisi va o‘z tengdoshlari bilan alohida va hamkorlikda ishlashi; 
moslashish-o‘quvchining yangi o‘quv jarayoniga, interfaol o‘qitish 
usullariga, ijodiy jarayonga moslashib olishi ва h.k. 
 
Muammoli va mantiqiy nazorat savollari 
1. O‘qitish texnologiyasining ilmiylik tamoyilini informatika fani mavzusi 
misolida tushuntirib bering! 
2. Pedagogning o‘qitish texnorlogiyasiga yondashuvi deganda nimani 
tushunasiz? Misollar bilan tushuntirib bering! 
3. O‘quvchi qachon ijodiy tafakkur sohibi bo‘la oladi. Informatika misolida 
tushuntiring! 
4. O‘qitish texnologiyasining tarkibiy elementlariga nega o‘qitish maqsadi 
kiritilmagan? Izohlang! 
5. Siz o‘qituvchi sifatida o‘quvchingizni qanday tashxislaysiz? 
6. O‘qitish jarayoni nega ijobiy ham, salbiy ham bo‘lishi mumkin?
7. Informatika fanidan ixtiyoriy mavzuni olib umumiy mezonga asoslanib 
xususiy mezonni ishlab chiqing! 
8. Informatikani o‘qitish metodi o‘qitish texnologiyasi bilan qanday farq 
qiladi? Misollar bilan tushuntiring!