Misollar:
→ Avval ular bizga yetib olishsin, keyin birga jo‘naymiz. (X. To‘xtaboyev)
→ Kuz keldi, yig‘im-terim ishlari boshlandi. (Qamchibek Kenja)
→ Yaxshi o‘g‘il – el obro‘si, yaxshi qiz – uy obro‘si. (Maqol)
→ Bulbul sayrar, chumchuq chirqirar, Xabar berar asl zotidan. (Hamid Olimjon)
→ Sabr bila bog‘liq ish ochilur, Ishda oshiqqan ko‘p toyilur. (Alisher Navoiy)
→ Hamma ishlaringizda to‘g‘ri bo‘ling, odamlarga muomalada xulqingiz chiroyli
bo‘lsin! (Hadis)
→ Qiz uni ushlab olgani urindi, juda qiynalib ketdi: qo‘llariga tikan kirdi, yuzi va
bilaklari tirmalandi. (Abdulla Qahhor)
→ Ruboiyni ichida o‘qidi, yuzini tabassum qopladi. (Oybek)
→ Yana uvlar dahshat shamoli, Ko‘kni qora bulut quchadi. (Temur Fattoh)
→ Bizning shunday ulug‘ she’riyatimiz bor, boylikda beqiyos ona tilimiz bor.
→ Istiqlol unut bo‘lgan davlatchiligimizni tikladi, yo‘q bo‘lishga mahkum qilingan
tilimizni, demakki, millatimizni asradi va aziz qildi.
→ O‘ylab so‘zlagan kishining so‘zi to‘g‘ridir, o‘rinsiz ko‘p vaysagan til shafqatsiz
yovdir.
→ Ahmoq kishining tili o‘ziga dushman, ko‘p kishilarning qoni til tufayli to‘kildi.
→ Yaxshi kishi qo‘lidan yomonlik kelmaydi, yomon kishi yaxshilik qaytarish uchun
javob topa olmaydi.
→ Yaxshi so‘z – yurak yog‘i, Yomon so‘z – yurak dog‘i.
→ Yaxshi so‘z – yurakka malham, Yomon so‘z – yurakka g‘am.
→ Yaxshi so‘z qand yedirar, Yomon so‘z pand yedirar.
→ Yaxshi so‘zdan moy eriydi, Yomon so‘zdan soy quriydi.
→ Har mevaning po‘chog‘i bor, Har so‘zning o‘lchovi bor.
→ Bir kishi ariq ochadi, ming kishi suv ichadi.
→ Sir ko‘p olam qa’rida, Mo‘jizaga kon olam. (Usmon Azim)
→ Ayrilganni ayiq yer, Bo‘linganni bo‘ri yer. (Maqol)
→ Bilim bilan kishining martabasi oshadi, ilmsizlik kishini tubanlashtiradi.
→ Odamning yetugi saxiy kishidir, saxiylik kishiga sharaf keltiradi.
→ Saxovatsiz kishi mevasiz daraxtdir, mevasiz daraxtdan ortiq naf kutma. (Ahmad
Yugnakiy)
Do'stlaringiz bilan baham: |
