Qurbonov f. A. Tarmoq mashinalari puxtaligi

Asbotekstolit – asbestli to‗ldirgich asosidagi plastmassa.
Asbovoloknit – tolador asbest bilan to‗ldirilgan. 
Aerodinamik shovqin – gazsimon muhitlarning katta tezlikdagi harakati 
paytida, masalan pnevmatik presslar ishlaganda paydo bo‗ladi. 
Bolg„alash – metallarga bosim bilan ishlov berish usullaridan biri; bunda 
bolg‗a qizdirilgan tayyorlanmagan ko‗p marta uzlukli zarbiy ta‘sir etib, uni 
deformatsiyalaydi va u asta-sekin ma‘lum shakl va o‗lchamni oladi. Cho‗ktirish, 
cho‗zish, tekislash, yoyish, teshish bolg‗alashdagi asosiy operatsiyalardir.
Bronza (italyancha bronzo) – mis asosidagi qotishma; asosiy qo‗shimchalari 
rux va nikeldan tashqari qalay, alyuminiy, berilliy, kremniy, qo‗rg‗oshin, xrom 
yoki boshqa elementlardan iborat. Asosiy qo‗shimchasi qanday element ekanligiga 
qarab, bronzalar qalayli, alyuminiyli, berilliyli va boshqalar deb ataladi. 

---

208 
Mustahkamligi, plastikligi, korroziyabardoshligi, antifriksion xossalari va 
boshqalar qimmatli sifatlari yuqori bo‗lgan turli bronzalar texnikaning ko‗p 
sohalarida ishlatiladi. 
Valsovka (juvalash) – 1) shatunlar, gayka kaliti, qaychilar, ombirlar va 
boshqalar uchun tayyorlanma, prokat olish uchun bolg‗alash juvalarida bosim 
ostida metallarga ishlov berish. O‗xshash tayyorlanmani shtamplashdan ko‗ra 
valstovkalashning unumdorligi yuqori. 2) Quvurlarni yumaloqlash uchun asbob; 
markaziy konus bilan quvur devorlariga qistiriladigan bir necha roliklar bilan 
ta‘minlangan. 
Germetizatsiya (idishlarni mustahkam jipslash bilan shug‗ullangan olim 
Germes nomiga atalgan) – mashinalar, apparatlar, inshootlarning yoki suyuqlik va 
gazlar uchun sig‗imlarning devorlari va birikmalarini o‗tkazmasligini ta‘minlash. 
G. usullariga birikmalarni payvandlash va kavsharlash, gaz o‗tkazmaydigan quyma 
detallarni, maxsus vakuumli materiallarni, germetiklarni qo‗llash va boshqalar 
misol bo‗ladi.