Raqamli ilmiy kengash islom karimov nomidagi toshkent davlat texnika universiteti

Tadqiqotning amaliy natijalari quyidagilardan iborat:
O‘zbekiston xotin-qizlarini iqtisodiy jarayonlarga jalb etishga qaratilgan 
davlat siyosatining mohiyati, kichik biznes va tadbirkorlikda xotin-qizlar ishtiroki, 
ularga moliyaviy ko‘mak berish va xorijiy investitsiyalarni jalb etish, oilaviy 
tadbirkorlik faoliyati, mikrokreditlashtirish, soliq imtiyozlari va soliqqa tortishga 
doir ilmiy xulosalardan O‘zbekistonning mustaqillik davri tarixini yoritishda 
qo‘llanilishi mumkin bo‘lgan jihatlar aniqlangan; 
O‘zbekistonning mustaqillik davri tarixini tadqiq etish, xotin-qizlarning 
kichik biznes va tadbirkorlikni rivojlantirishdagi ishtiroki muammosini 
o‘rganishga qaratilgan hamda o‘quv jarayonida qo‘llanilishi mumkin bo‘lgan 
nazariy xulosa va takliflar ishlab chiqilgan.
Tadqiqot 
natijalarining 
ishonchliligi. 
Dissertatsiya 
O‘zbekiston 
Respublikasi Davlat statistika qo‘mitasining ma’lumotlari, O‘zbekiston Milliy 
arxivi, viloyat joriy arxivlari jamg‘armalarida saqlanayotgan ko‘plab hujjatlarga 
asoslanganligi, tadqiqot ma’lumotlarining amaliyotga joriy etilganligi, olingan 
natijalarni vakolatli idoralar tomonidan tasdiqlangani bilan izohlanadi. Respublika 
va xalqaro miqyosdagi ilmiy konferensiya materiallari to‘plamlari, OAK ro‘yxatidagi 
maxsus jurnallar hamda xorijiy ilmiy jurnallarda chop etilgan maqolalar, xulosa, taklif 
va tavsiyalarning amaliyotga joriy etilgani, olingan natijalarning vakolatli tashkilotlar 

---

12 
tomonidan tasdiqlangani bilan izohlanadi. 
Tadqiqot natijalarining ilmiy va amaliy ahamiyati. Bugungi globallashuv 
sharoitida turizm rivojida xotin-qizlarning ishtiroki jarayoni va uning mamlakatimizga 
xos tadriji hamda taraqqiyoti, bu boradagi amaliyot mezonlari va muhim omillarini 
yanada optimallashtirish bilan bog‘liq chora-tadbirlarni belgilashda muayyan ilmiy-
nazariy manba bo‘lib xizmat qiladi.
Tadqiqot natijalarining ilmiy ahamiyati shundaki, erishilgan natijalar 
O‘zbekiston xotin-qizlarining turizm va sayyohlik sohasini rivojlantirishdagi 
ishtiroki haqida keng ma’lumotlar berish, ilmiy va nazariy bilimlarni yanada 
chuqurlashtirish imkonini beradi. 
Tadqiqot natijalari O‘zbekistonning ijtimoiy-iqtisodiy, siyosiy va madaniy 
rivojlanishi, tarixiy va madaniy merosni tadqiq etishga bag‘ish-langan davlat 
dasturlarining bajarilishida, shuningdek, mustaqillik davri xotin-qizlar tadbirkorligi 
tarixiga oid yangi darslik va o‘quv qo‘llanmalar yaratishda amaliy ahamiyat kasb 
etadi.
Dissertatsiyada bayon etilgan fikr-mulohaza va xulosalardan o‘rta maktablarda 
«O‘zbekiston tarixi» fanini o‘qitishda, oliy ta’lim muassasalarida bakalavr bosqichida 
«O‘zbekistonning eng yangi tarixi» kabi o‘quv kurslarning tegishli ma’ruzalarini 
o‘qitishda foydalanish mumkin. 
Tadqiqot natijalari mamlakatimiz turizm rivojiga xos omillarning o‘rni va 
ahamiyati, o‘ziga xos xususiyatlari, modernizatsion va innovatsion jihatlarini yanada 
kengroq hamda chuqurroq o‘rganishga qaratilgan ilmiy izlanishlarni yangicha 
yondashuvlar bilan boyitadi.