Rashid zohid

Chig‘atoy gurungi – imlo va adabiyot masalalari bilan shug‘ullanuvchi bu jamiyat 1919 yilda, Toshkentda Fitrat boshchiligida tashkil topgan

Chig‘atoy turkchasi – XIII-XVI asrda temuriylar davlatining rasmiy va yozma adabiy tili sifatida yuzaga kelgan eski o‘zbek adabiy tili bo‘lib, ildizlari qoraxoniylar davri yozma adabiy tiliga, u orqali qadimgi turkiy bitiklarning til an’analariga ulanib ketadi

SHams – sahifa atrofida gulli naqshlar bilan o‘rab chizilgan rasm

SHeroza – sahifa bo‘laklarini birlashtirib turuvchi ipaklik

Editsion filologiya¹³⁷ – manba dunyoga kelgan davrdan to so‘nggi nashrgacha davom etgan matn tarixini tiklash orqali qo‘lyozma adabiy manbalarni ishonchli va har tomonlama mukammal ilmiy nashr qilish qonun-qoidalarini o‘rganish

Epigrafik matn - toshga bitilgan yozuvlar

Eski o‘zbek yozuvi – arab alifbosi asosida shakllangan va X asrdan XX asrning boshlarigacha qo‘llangan o‘zbek yozuvida arab alifbosidagi barcha harflarning yozilish xususiyatlari aynan qabul qilingan; eski o‘zbek yozuvi tovush xususiyatiga ko‘ra 32 ta harfni ifodalasa-da, asosiy shakliga ko‘ra ularning soni 18 tani tashkil etadi; turkiy so‘zlardagi deyarli barcha unli va undosh tovushlar alohida harflar orqali ifodalanadi

Eski anado‘lu turkchasi – qoraxoniylar davri adabiy an’analari ta’sirida XIII asrda saljuqiylar davlatida o‘g‘uz guruhi asosida shakllangan adabiy til. Keyinroq shu asosda “usmoniy turkchasi” nomini olgan yozma adabiy til yuzaga keldi. Usmoniy turkchasi eski o‘zbek adabiy tili bilan bir vaqtda, lekin boshqa saltanat hududida amal qilgan yozma adabiy til edi

O‘rama kitob – miloddan avval yozuv materiali sifatida foydalanilgan papirus o‘simligidan tayyorlangan (bunday kitoblarning uzunligi o‘rtacha 10 m atrofida bo‘lib, ingichka, yumaloq tayoqlarga o‘ralgan va maxsus charm yoki yog‘och g‘iloflarda saqlangan)