Rashid zohid

Matn aniqligi – matn tahqiqi jarayonida matnning g‘oyat darajada aniqligini ifodalovchi (ضبط المتن) istilohiy birikmasining turkiy tarjimasi

Matn tarixi ­­– muayyan matnning paydo bo‘lishidan to oxirigi holatigacha davom etgan o‘zgarishlar silsilasi

Matn tahqiqi – qo‘lyozma matndagi har bir so‘z, har bir jumlaning haqiqatda muallif matniga muvofiqligini ilmiy dalillar bilan har tomonlama asoslash

Matnshunoslik – qadim (va zamonaviy) qo‘lyozma adabiy manbalarni asliyat asosida tizimli tadqiq qilish va nashrga tayyorlash qoidalarini o‘rgatadigan fan

Matnshunoslikning bosh masalasi – matn tarixini tiklash konseptini nazariy va amaliy jihatdan anglash

Mir Ali Tabriziy – nasta’liq xatining ixtirochisi (voze’), “Qiblatul kuttob” (kotiblar peshvosi) degan laqab bilan shuhrat qozongan

Mushafi Usmoniy – teriga ishlangan noyob kitoblardan biri; VII asrda xalifa Usmon roziyallohu anhu ko‘rsatmasi bilan bitta muqova ostiga jamlangan; tarixda “Mushafi Usmoniy” nomi bilan mashhur Qur’on

Muhaqqiq - matn tahqiqi jarayoni matndagi har bir so‘z, har bir jumlaning muallif matniga muvofiqligini ilmiy dalillar bilan har tomonlama asoslashni amalga oshiruvchi mutaxassis.

Muhrkash – muhr yasovchi ustalar

Na’t – hamddan so‘ng Payg‘ambarimiz Muhammad alayhissalomni eslab, u zotga solavot aytish ( adabiy matnlardagi bunday bag‘ishlovlarga na’t, sano, durud degan nomlar berilgan)¹³²

Odobi tasnif – kitobning ichki tuzilishi bilan bog‘liq qoida va talablar

Pergament – Miloddan avvalgi II asrda kitob materiali sifatida foydalanilgan teri

Poygir¹³³ – varaqlar ketma-ketligini bildiruvchi so‘zlar (har bir varaqning pastgi chap burchagida keyingi sahifada davom etuvchi matnning avvalgi so‘zi qiyalatib yozilgan)