Режа: Балиқчилик фермаларида озуқа тайёрлаш

Пастасимон озуқа тўғридан-тўғри хўжалик озуқа цехида тайёрланади. Нам озуқалар деярли барча аквакултура балиқ турларини боқиш учун ишлатилиши мумкин. Сувга тушган гранулалар емирилиши натижасида озуқавий моддаларэкстракция бўлишини камайтириш учун уларнинг таркибига бириктирувчи моддаларни киритиш керак: зиғир жмихи, техник крахмал, гуруч уни ва бошқалар. Пастасимон озуқалар бевосита хўжалик цехида тайёрланиши ем тайёрлашда имкониятлардан тўлиқ фойдаланиш имконини беради (кам қийматли балиқлардан, балиқларни қайта ишлаш,чорва молларидан, паррандадан ва бошқалардан чиқиндиларидан фойдаланиш).
Пастасимон емлардан фойдаланиш бир қатор камчиликларга эга. Улар сақлаш муддати қисқа, турли хил юқумли касалликлар манбаи бўлиб хизмат қилади ва сувда тезювилиб кетади, бу эса озуқа моддаларининг йўқолишига ва сувнинг гидрокимёвий ва газ режимининг ёмонлашишига олиб келади. Шунинг учун қуруқ гранулаланган озуқани ишлатиш афзалдир.
Гранулаланган озуқа тайёрлаш технологияси. Аквакултура объектларини етиштириш учун гранулаланган аралаш емлар нафақат саноат, балки тўғридан-тўғри фермер хўжаликларида ҳам ишлаб чиқарилиши мумкин. Буни амалга ошириш учун электр гўшт майдалагич, қуритгич ва турли хил катталиклардаги эга бўлган элакларга эга бўлиш керак.
Аввал, рецепт таркибига кирувчи барча компонентлар майдаланиши ва элакдан ўтказилиши керак, шунда заррачалар ҳажми мос равишда бошланғич ва махсулдор омухта еми учун 0,3 ва 0,6 мм дан ошмаслиги керак (елакдаги қолдиқ 10% гача бўлиши керак). Кейин, рецепт асосида, қуруқ компонентларнинг аралашмаси тайёрланади. Премикс қўшилгандан сўнг, яхшилаб аралаштирилади ва барча компонентларнинг массасининг 25-30% дасув қўшилади. Нам аралашма электр гўшт майдалагичдан ўтказилади. Гўшт майдалагичдан ўтказилаган озуқа аралашмаси диаметри 3 дан 7 мм гача бўлган цилиндрсимон иплар шаклига эга бўлади. Ипларни қўл билан бўлакланади, вацилиндрсимон гранулаларни шаклини олади - узунлик ва диаметрнинг нисбати 1,5 дан ошмайди.
Нам доначалар қуритиш мосламасига жойлаштирилади. Қуритгич рамкаларига эга бўлган ёғоч ёки металл конструкция бўлиши мумкин. Гранулалар илиқҳаво ёрдамида қуритилади. Иситиш ҳавоси пастдан ёки ён томондан берилади ва қуритгичнинг тешиклари ёки дудбўронлари орқали чиқарилади. Гранулалар 55-65 ° С гача бўлган ҳаво ҳароратида қуритилади. Тўлиқ қуритилган гранулалар тайёр маҳсулотдир; уларни пиширишдан кейин дарҳол балиққа бериш мумкин (ем балиққа беришдан аввал рецепт бўйича ёғ қўшилади) ёки махсус идишда сақлаш мумкин.
Оғирлиги 5 г гача бўлган вояга етмаган балиқлар учун мўлжалланган заррачали ем тайёрлаш учун олдиндан тайёрланган 5 мм диаметрли қуруқ доначалар олинади ва кейин улар электр гўшт майдалагичда туюлади, унинг устига ингичка матрица ва пичоқ ўрнига сиқиш риштаси ўрнатилади. Майдалагандан сўнг олинган ҳар хил катталикдаги дон аралашмаси турли диаметрли элаклардан фойдаланиб фракцияларга бўлинади. Гранулаларнинг парчаланиш даражаси электр гўшт майдалагичнинг қабул қилиш бўлинмасига берилган ҳажмига боғлиқ: хажмни оширилса кичик фракцияларнинг улуши ошади, берилган хажм камайса йирик фракция кўпаяди.
Сўнгги 2-3 йилда соатига 300-500 кг омухта озуқа ишлаб чиқариш имкониятига эга бўлган замонавий маҳаллий технологик ускуналарда (мини-цехларда) тўғридан-тўғри фермер хўжаликларида тайёрланадиган ем ва озуқа аралашмаларидан тобора кўпроқ фойдаланилмоқда. Бундай озуқалар заводникидан унчалик фарқ қилмайди - улар жуда юқори озуқавий қийматга эга, парчаланиши паст ва сувга ивишга чидамлилиги юқори.