Reja Elektrik injiniring fani, uning predmeti va strukturasi
Asosiy elektrik kattaliklar
Download 0.54 Mb. Pdf ko'rish
|
- Bu sahifa navigatsiya:
- 1.3. Energiya tushunchasi va turlari
1.2.2.Asosiy elektrik kattaliklar Zaryad miqdori. Elektr toki zaryadlangan zarralarning tartibli xarakatidan hosil bo’ladi. Bu zaryadlangan zarralarni metallarda asosan elektron tashkil qiladi. Elektronni alohida zarra sifatida birinchi bo’lib 1897-yilda ingliz fizigi J. Tomson kashf etgan. 1919-yilda E.Rezerford protonni, 1932-yilda esa J. Chedvik neytronni kashf etdi. Ushbu zarralar atomni tashkil etuvchi alohida elementar zarralar bo’lib ularning aniq massa va zaryadlari (neytron zaryadsiz) mavjud. Yadroda proton va neytron nuklonlarni tashkil qiladi, elektronlar esa bu yadro atrofida aylanadi (atomning Nils Bor taklif etgan planetar modeli). Zarralar massa va zaryadidan tashqari yana spin deb ataluvchi kattaligi bilan ham xarakterlanadi. Fizika bo’limida o’tilgan asosiy elektrik kattaliklarni, ularning birliklari va formulasini takrorlab o’tamiz: Asosiy kattaliklar 1.1-jadval t/ r Кattalik nomi Belgisi Formulasi O’lchov birligi 1. Zaryad miqdori q Elektron Kulon (Kl) 2. Tok kuchi I I = q/t Amper (A) 3. Qarshilik R R = p l/s Om 4. Kuchlanish U U = IR Volt (V) 5. Quvvat P P = IU Vatt (Vt) 6. Energiya (Ish) E (A) E = IUt Joul (J) 1.3. Energiya tushunchasi va turlari Fizikada energiyaning turli ko’rinishlari o’rganiladi. Masalan mexanik energiya (kinetik va potensial energiyadan iborat), yorug’lik energiyasi, kimyoviy energiya, atom energiyasi va xokazo. Energiya doimo bir turdan ikkinchi turga aylanib turadi.Bu aylanish tabiatda sodir bo’lishi yoki uni biz amalga oshirishimiz mumkin. Masalan Quyoshning nurlanish energiyasi dengiz va okeanlar sirtini qizdirib suvni bug’lantiradi, bu bug’lar shamolda materiklar bo’ylab xarakatlanib sovishi natijasida tog’larga qor bo’lib yog’adi. Quyosh nurida qor eriydi va bu suvlarning og’irlik kuchi ta’sirida pastga qarab xarakatlanishidan daryo suvlari hosil bo’ladi. Bu suvlar yo’liga elektrostansiyalar qurib suvning potensial energiyasini elektr energiyasiga aylantiramiz. Bu elektr energiyasi yorug’lik, mexanik, issiqlik energiyalari ko’rinishida ishlatiladi. Ko’rinib turibdiki energiya doimo bir turdan ikkinchi turga aylanib turadi va xayotni ta’minlaydi. Energiya absolyut mavjud kattalik bo’lib u tabiatdagi xarakatning manbaidir. Energiya abadiy mavjud. U saqlanish qonuniga ega. Energiyaning paydo bo’lishi “Buyuk portlashg” ga borib taqaladi. Zamonavy fan tasavvurlariga ko’ra olam bundan 14 milliard -yil oldin buyuk portlash natijasida paydo bo’lgan. Buyuk portlashdan oldin barcha mavjud koinot va galaktikalar atomdan ham kichik o’ta kichik xajm ichida, o’ta zichlashgan holda joylashgan va gigant qisilish natijasida portlagan. Albatta buni tasavvurga sig’dirish qiyin. Portlashdan so’ng koinot kengayb borgan va asta sekin dastlab elementar zarralar, so’ng atomlar, molekulalar, jismlar, eng so’nggida biologik hayot shakllangan. Koinotning kengayishi hozir ham davom etmoqda. Hozirgi zamon fani xulosalariga ko’ra bizning galaktikamiz (somon yo’li galaktikasi) va Quyosh sistemasi bir necha milliard -yil avval paydo bo’lgan. Quyosh o’zidan doimiy ravishda energiya nurlantirib turadi. Bu energiyaning manbai Quyoshda sodir bo’layotgan termoyadro reaksiyalaridir. Quyoshning nurlanishi Yerda xayotni shakllantirgan. Quyoshdan Yerga judda katta miqdorda energiya etib keladi. Agar Quyosh energiyasining Yer yuzasiga tushgan barcha qismidan foydalana olsak, 30 minut davomida Yerga tushgan energiya Yer sharining bir -yillik extiyojini qoplagan bo’lar edi. Energiyaning o’lchov birligi sifatida elektrotexnikada ko’proq kilovatt-soat (soat, kWh ) tushunchasi ishlatiladi. Masalan elektr hisoblagichlar xuddi shu kVt•soat (kWh )ni ko’rsatadi va biz bugungi kunda 1 kVt•soat (1 kWh) elektr energiyasi uchun 295 so’m pul to’laymiz. 1 kVt soat elektr energiyasi qancha yonilg’ining energiyasini beradi? Buning uchun yonilg’i va qattiq jismlarning yonish energiyasi eslaymiz. 1.2- jadvalda asosiy yoqilg’ilarning solishtirma yonish issiqligi berilgan 1.2-jadval Modda Solishtirma yonish issiqligi MJ/kg kkal / kg 1 Quruq o’tin O’rtacha 9,5 6400 -7500 2 Toshko’mir O’rtacha 27 6500 3 Benzin 44 - 47 10500 - 11200 4 Kerosin 44 - 46 10500-11000 5 Tabiiy gaz 41 - 49 9800 - 11700 6 Metan 50 11950 7 Vodorod 120 28600 Fizikadan ma’lumki energiyaning o’lchov birligi Joul (J). 1Joul energiya 1 Vt quvvatli sistemaning 1s da bajargan ishidir 1 J = 1Vt • 1 s. Demak 1kVt•soat (1 kWh) energiyani Joulda ifodalasak 1000 Vt • 3600 s = 3, 6 MJ. Endi hisoblab ko’ramiz, demak biz 1 kVt soat elektr energiyasi uchun 295 so’m to’lasak, u holda taxminan 29 kJ energiya 1 so’m bo’ladi. Xo’sh, bu energiya ko’pmi yoki kammi, biz uning ko’lamini tasavvur eta olamizmi? Buni oddiy choy qaynatish misolida ko’raylik. Masalan 1kVt˖soat elektr energiyasi 1000 Vt • 3600 s = 3,6 MJ bo’ladi, bu esa m = 3,6 MJ / 50 = 0,072 kg metan gazining yonishidan hosil bo’lgan energiyaga teng. Yuqoridagi misolda 1 l suvni qaynatish uchun 720 kJ energiya sarflandi. Agar shu energiyani o’tinning yonishidan olsak, va o’choqda o’tin yoqib choy qaynatishning f.i.k. ni 25 % deb qarasak (amalda bundan ham kam bo’ladi) choy qaynatish uchun qancha o’tin kerakligini topish mumkin: Quvvati 2 kVt bo’lgan oddiy elektr choynagida 1 l suv 6 minutda qaynaydi (tajribadan). Choynakni elektr tarmog’idan olgan energiyasi E = P•t = 2 kVt • 6/60 soat = 0,2 kVt soat = 720 000 J = 720 kJ. Shu energiya uchun biz 38 so’m pul to’laymiz(0,2 kVtsoat • 295 so’m = 60 so’m). Demak bir choynak suvni qaynatish taxminan 60 so’m ekan, bugungi kunda 60 so’mga yana nima olish mumkinligini o’ylab ko’rsangiz, elektr energiyasi qanchalik arzonligiga ishonch hosil qilasiz. m = 720 kJ / 0,25 x 9500( kJ/kg) = 0,3 kg. Energetika jamiyat hayotida muhim o’rin tutadi. U turli-tuman ehtiyojlarni qondirish imkoniyatlarini bir necha barobar orttirishga imkon beradi. Insoniyat sivilizatsiyasining rivoji doimo ishlatilayotgan energiyaning hajmi va turlari bilan chambarchas bog’liqdir. Biroq, milliy va jahon iqtisodiyotining bugungi kundagi rivoji tabora energiya resurslarining haddan ortiq ko’p ishlatilishi va unga bog’liq holda ular hajmining kamayib borishiga sabab bo’lmoqda. Bu o’z navbatida resurslar taqchilligi va ekologiya muommolarini keltirib chiqarmoqda. Bunday sharoitda insonlarda, jumladan maktab o’quvchilarida energiyadan oqilona foydalanish haqidagi tushunchalarni hosil qilish dolzarb ahamiyatga ega. Ushbu jarayonda umumta’lim fanlari orasida fizika fani alohida o’rin tutadi. Shuningdek o’qituvchi tamonidan O’zbekistonda barqaror rivojlanish konsepsiyasi va unda keltirilgan quyidagi muammolariga e’tibor qaratilishi lozim. - Respublika hududlaridagi ekologik vaziyatni yaxshilash; - atrof-muhitni muhofaza qilish va uni yaxshilash; - kelgusi avlodlarga saqlab qolish maqsadida Yer va suv resurslaridan oqilona foydalanish; - noan’anaviy va qayta tiklanuvchi energiya manbalarini o’zlashtirish. Hozirgi vaqtda biz energiyani asosan elektr energiyasi ko’rinishida iste’mol qilamiz va elektr energiyasi olishning turli usullaridan keng foydalanamiz. Quyidagi diagrammada elektr energiyasi olishning hozirgi kundagi an’anaviy, noan’anaviy va kelajakda ishlatilishi ko’zda tutilgan usullari keltirilgan: Diagrammada keltirilgan usullarning har biri o’ziga xos afzalliklar va kamchiliklarga ega bo’lib u yoki bu usulning ishlatilishi tabiiy resurslarning joylashuvi, energiyaga bo’lgan ehtiyoj va boshqa sabablarga ko’ra aniqlanadi. Energiya olishning an’anaviy usullarini o’quvchilarga tushuntirishda eng ko’p ishlatilayotgani issiqlik elektr stansiyalaridir (I.E.S.). Issiqlik elektr stansiyalari o’z tarkibiga ko’ra gaz, ko’mir va neft mahsulotlari bilan ishlovchi elektr stansiyalarini hamda uran yadrosi bo’lishida ajraladigan issiqlik hisobiga ishlovchi atom elektr stansiyalari (AES)ni o’z ichiga oladi. Birinchi tur elektr stansiyalarining ishlashi yoqilg’i zahiralarining kamayishi va yonish mahsulotlarining ekologiyaga ta’siri bilan chegaralangan. Atom elektr stansiyalarining ishlashida xomashyo resursi deyarli chegaralanmagan. Lekin AESlari ishlatilishi bilan bog’liq quyidagi muammolar mavjud: 1. Radiatsiya ta’sirida reaktor materiallarining tez ishdan chiqishi va radioaktiv moddalarning tashqariga chiqib ketishi. 2. Radioaktiv chiqindilarni saqlash muammosi. 3. Yadro reaktorlarida mukammal xavfsizlik tizimini yaratish qiyinligi. 4. Hozirgi kunda ko’p ishlatilayotgan tez neytronlarda ishlovchi briderlarda ko’p miqdorda plutoniy yig’ilishi va atom bombasi uchun asosiy xomoshyo bo’lgan plutonning yomon niyatli kishilar qo’liga tushish ehtimoli mavjudligi. Bugungi kunda AQSHning Texas universitetida Mayk Kotschenreyter boshchiligidagi tadqiqotchilar guruhi gibrid ko’rinishidagi sintez – parchalanish qurilmasini yaratdilar. Markazida neytron manbai mavjud bo’lgan va sintez reaksiyasiga asoslanib ishlovchi CFNC (Compakt Fusion Neutron Source) reaktori yengil suv bilan faoliyat yurituvchi odatiy AES lardan ajralib chiqadigan transuran chiqindilar yordamida ishlaydi. Elektr energiyasi olishning noan’anaviy usullarini o’quvchilarga tushuntirganda energiya resurslari uchun xomoshyoning chegaralanmaganligi, ekologik tozaligi va qayta tiklanishi bilan an’anaviy usullardan farq qiladi. Bu usullar ichida oxirgi -yillarda eng yaxshi o’rganilganligi va keng qo’llanilayotgani Quyosh panellari va shamol generatorlari yordamida elektr energiyalarini olish yo’lga qu-yildi. Geotermal, vulqon energiyasidan foydalanishda turli xildagi gazlar ajralishi bilan bog’liq bo’lgan ayrim ekologik masalalarni ham hal etish lozim bo’ladi. Dengiz suvini ko’tarilishi va to’lqinlar energiyasidan foydalanishning effektiv qurilmalari ishlab chiqilgan va kichik quvvatli iste’molchilarni ta’minlash uchun muvaffaqiyatli ishlatilmoqda. Noan’anavuy energiya olish usullari qanchalik tabiiy va ekologik jihatdan maqsadga muvofiq bo’lmasin ular energiyaga bo’lgan ehtiyojni to’la qanoatlantirmasligi mumkin. Shuning uchun ham kelajakning asosiy energiyasi sifatida atom energiyasi qaralmoqda. Atom energiyasidan foydalanishning birinchi usuli uran yadrosi bo’linishi energiyasi va uning muammolari haqida yuqorida aytib o’tildi. Yadro energiyasidan foydalanishning ikkinchi usuli – termoyadro sintezi energiyasidir. Bu borada salkam 70 -yildan buyon ishlar olib borilayotgan bo’lsada boshqariladigan termoyadro sintezi haligacha amalga oshmadi. Bu yerdagi asosiy muammolarga issiqlikka chidamli yangi materiallar yaratish, kuchli bir jinsli magnit maydonlar va yuqori haroratli o’ta otkazuvchan materiallar hosil qilish masalalarini keltirish mumkin. Ushbu ma’lumotlarni yuqorida zikr etilgan mavzularda tushuntirib o’tilganda o’quchilarda fanga qiziqishi ortishi bilan birga tabiatga nisbatan ehtiyotkorona munosabatda bo’lish, ekologik xavfni oldini olish tushunchalari shakllantiradi. Kelajakdagi ilmiy tadqiqot yo’nalishlaridan biri sifatida kimyoviy energiyani to’g’ridan- to’g’ri elektr energiyasiga aylantirish masalasi qaralmoqda. Bu holda galvanik elementlardan farqli holda yoqilg’ining oksidlanish energiyasini elektr energiyasiga aylantirish ko’zda tutilmoqda. Masalan AQSH astronavtlarini Oyga yetkazgan “Apollon” kosmik kemasida vodorod yonilg’i elementida vodorod parchalanib elektr energiyasi va toza suv olishga imkon bergan edi. Lekin bu yerda kimyoviy jarayonlar sust ketganligidan katalizator sifatida platina ishlatilgan. Bu esa yonilg’i qurilmasi tannarxi juda baland bo’lishiga olib keladi. Hozirgi kunda nanotexnologiyalar yordamida bunday katalizatorlar laboratoriyalarda ishlab chiqarilgan. Bu ishni sanoat miqyosida yo’lga qo’yish vodorod energetikasidan keng miqyosda foydalanish imkoniyatlarini yaratadi. Kimyoviy energiyani to’g’ridan- to’g’ri mexanik energiyaga aylantirish bo’yicha inson tabiatdan ancha orqada qolmoqda. Bunga misol tariqasida muskul energiyasini keltirish mumkin. Tahlillar muskul dvigateli hozirgacha yaratilgan mashinalardan ancha katta foydali ish koeffitsiyentiga ega ekan. Lekin hozirgacha olimlar tomonidan muskul tolalarining qisqarish mexanizmi to’liq o’rganilmagan. Bu sohada sintetik tolalarning tashqi muhit o’zgarishiga sezgirligini o’rganish bo’yicha olib borilayotgan ishlar diqqatga sazovordir. Shu o’rinda O’zbekiston FA Polimerlar fizikasi va kimyosi institutida olib borilayotgan ishlar ham alohida ahamiyatga ega. Magnitogidrodinamik generatorlarda yuqori haroratli gaz plazma oqimining kinetik energiyasi elektr energiyasiga aylantiriladi. Bunda gaz oqimi kuchli magnit maydoniga joylashtirilsa oqim harakatiga ko’ndalang yo’nalishda elektr yurituvchi kuch hosil bo’ladi. Bu elektr yurituvchi kuch oqim tezligi va magnit maydon kattaligiga to’g’ri mutanosibdir. Hozirgi kunda reaktiv aviatsiya va raketa texnikasida yuqori haroratli gaz oqimlari olish usullari ishlab chiqilganligi va o’ta o’tkazgich solenoidlar yordamida kuchli magnit maydonlari olish texnologiyasi yaxshi o’rganilganligi magnitogidrodinamik generatorlar g’oyasini real loyihaga aylantiradi. Ushbu tushunchalarni fizika fanini o’qitishda o’quvchilarda ekologik bilimlarni shakllantirishdan ko’zlangan maqsad, yuqoridagi tahlillar asosida hozirgi kunda insoniyat oldidagi energetika muammosini hal etish uchun o’z navbatida quyidagi vazifalarni amalga oshirish zarurligi kelib chiqadi. 1. Energiya olishning an’anaviy usullarida ishlatiladigan yoqilg’i resurslarini tejab ishlatish. 2. Energiya olish bilan bog’liq ekologik va xavfsizlik muammolarini hal etish. 3.Energiya olishning noan’anaviy usullarini rivojlantirish va effektiv texnologiyalarini yaratish 4.Kelajakda asosiy energiya manbai hisoblanadigan boshqariladigan termoyadro sintezi texnologiyasini yaratish 5.Kimyoviy energiyani to’g’ridan to’g’ri elektr yoki mexanik energiyaga aylantirish usullari bo’yicha ilmiy tadqiqotlar olib borish Yuqorida keltirilgan energetika muammolarini o’quvchilarga tushuntirish nafaqat ularning fizika faniga bo’lgan qiziqishlarini oshiradi, balki, ularni atrof muhitga nisbatan ongli munosabatlarini tarbiyalaydi, energiya resurslaridan oqilona foydalanishga oid bilim, kunikma va malakalarini shakllantiradi. Download 0.54 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling