Reje. Birinshi járdem kórsetiw qurallari

Birinshi basqish: dem aliw jollariniń ótkiziwsheńligin támiynlew.
Jábirleniwshiniń dem aliw jollariniń ashiq ekenligine isenim qabil etiń. Awiz hám murinnan baslap ókpege shekem barǵan hawa ótiw jollari dem aliw joli esaplanadi. Sóylew hám baqiriw qábiletine iye bolǵan hár qanday adam ushin joǵaltpaǵan hám dem aliw jollari ashiq boladi.
Eger jábirleniwshi kúshsiz bolsa, oniń dem aliw jollariniń ótkiziwsheńligine isenim qabil etiw kerek. Buniń ushin oniń basin arqa tárepine qaratiń hám iyegin ko’terin’ (3-4-súwret).
Bunda til dem aliw tamaǵiniń arqa bólimin berkitpeydi, ókpege hawa óte beredi. Eger jábirleniwshiniń moyin bólimi jaraqatlaǵan dep gúmanlansańiz, dem aliw jollarin ashiw ushin basqasha usil qollaniń. Bul usil "basin artqi tárepke qaratpastan tómegi jaǵin aldina siljitiw" dep ataladi. Bul usil menen siz 4-bapta tanisasiz. Eger jábirleniwshiniń dem aliw jollarina basqa bólekler kirip qalǵan bolsa, siz aldin olardi alip taslawińiz kerek. 4-bapta dem aliw jollari jabiq bolǵaninda birinshi járdem kórsetiw bayan etilgen.

3-6-súwret. Tamirdiń uriwin aniqlaw ushin, siz jábirleniwshiniń moynindaǵi sizgi jaqin turǵan tárepindegi uyqi arteriyasin uslap kóriń.	3-7-súwret. Uliwma gúzetiw ótkizgen halda, jábirleniwshide kúshli qan ketiwi bar joqliǵin aniqlań.	3-8-súwret. Jábirleniwshi bala haqqinda ata-anasi yamasa dógerektegi adamlar qosimsha maǵliwmat beriwi múmkin.

Ekinshi basqish: dem aliwdi tekseriw.
Keyingi basqish dem alip atirǵanliǵin tekseriwden ibarat. Eger jábirleniwshi esinen tańǵan bolsa, onda dem aliw belgileri barliǵina itibar beriw kerek. Dem alǵanda kókirek kóterilip, túsip turiwi zárur. Adam haqiyqatinda da dem alip atirǵanina isenim qabil etiw ushin oniń demin esitiw hám seziw kerek. Buniń ushin betińizdi jábirleniwshiniń awzi hám murnina jaqinlastiriń hám dem shiǵariwdaǵi hawani esitiwge hám seziwge háreket etiń. Bir waqittiń ózinde kókirek quwisliǵiniń kóterilip túsiwin gúzetiń. Buni 5 sekund dawaminda isleń (3-5-súwret).
Eger jábirleniwshi dem almay atirǵan bolsa, siz awizdan hawa ótkiziw joli menen oǵan járdem beriwińiz kerek. Murin tesiklerin bastirip, eki ret toliq hawani úpleń. Keyin bir márteden úplew ótkiziń. Bunday emlew ókpege jasalma hawa jiberiw (ventilyatsiyasi) delinedi. Bul haqqinda 5-bapta bilip alasiz.