Respublika ta’lim markazi Inklyuziv va maxsus ta’lim bo‘limining

O‘quv jarayonida o‘quvchilar quyidagi bilim, ko‘nikma va malakalarni egallagan bo‘lishlari kerak:


5 sinf
O‘quv jarayonida o‘quvchilar quyidagi bilim, ko‘nikma va malakalarni egallagan bo‘lishi kerak.
Bilim:
tikuvchilik ustaxonasidagi tartib, intizom shartlarni, gigiyenik talablarni bilishlari;
tikuvchilikda qo‘llaniladigan asbob va moslamalar nomlari, ularni ishlatish qoidalarini bilishlari;
igna, qaychi, dazmol bilan ishlaganda ehtiyot choralarini bilishlari;
ip va igna turlarini bilishlari;
paxta tolali gazlamalar nomini, xusussiyatini bilishlari;
nusxa tanlash, uni gazlamalarga ko‘chirish va kashta tikishni bilishlari;
qirqimlarga mag‘iz bilan ishlov berishlari;
burma va mayda yumshoq taxlamalarni bajara olishlari;
belbog‘ to‘g‘risida bilish, milliy kashta tika bilishlari kerak.
Ko‘nikma:
ish o‘rnini tashkil qilish, umumiy mulkni ehtiyot qilishni;
tikuv mashinasida ishlaganda o‘tirish qoidasini bilishi va amal qilishlari;
elektr asboblari va dazmol bilan ishlaganda texnika xavfsizligi qoidasini bilishi, amal qilishlari;
tikuv mashinasini ishga tayyorlay olishlari;
to‘g‘ri va egri qirqimlar bo‘ylab tika bilishlari;
chok nomlarini bilishi va mustaqil tika olishi (oddiy, qaytarma, bostirma va ag‘darma choklar);
gazlama bo‘laklarini ulab tikishlari kerak.
Malaka:
namunalardan foydalanib, ustozi yordamida, amaliy topshiriqlarni bilishlari kerak.


6-sinf
O‘quv jarayonida o‘quvchilar quyidagi bilim, ko‘nikma va malakalarni egallagan bo‘lishi kerak.
Bilim:
zig‘ir tolali gazlama xususiyati va uning paxta gazlamalaridan farqini bilishlari;
mashina choklaridan bostirma chokini tikishni bilishlari;
pirpirak, jimjima va burmalar hosil qilib tika olishlari;
texnologik xarita yordamida ish rejasini tuza olishlari;
milliy bosh kiyimning kelib chiqish tarixini va do‘ppi tayyorlash jarayonini bilishlari;
kiyimlarni ta’mirlash usullarini bilishlari;
chaqaloqlar kiyimlari xususiyatini, ularga qo‘yiladigan gigiyenik talablarni bilishlari va o‘qituvchi yordamida tika bilishlari kerak.
Ko‘nikma:
berilgan buyum namunasini tahlil qila olishlari;
o‘qituvchi savollariga to‘liq javob bera olishlari;
ish sifati asosiy mezon ekanligini tushunib, shunga amal qilishlari.