Республика узбекистан

VIII. ТАНЛОВ ТАКЛИФИ БАХОСИ
8.1. Ишларнинг қиймати 4-иловада кўрсатилган «Иншоотдаги ишларнинг жисмоний хажми ва материаллар сарфи Ведомостлари» да акс эттирилган шаклга мувофик тақдим этилиши зарур.
Материаллар сарфи ведомости ва ишлар хажмидаги хар кайси ўрин бўйича бўш жойлар талабгор томонидан таклиф этилаётган бахо кўрсатилган ҳолда аниқ тўлдирилган бўлиши зарур. Танлов иштирокчиси таклифнинг умумий баҳосини чиқариш учун оралиқ суммаларни жамламоғи лозим. Талабгорлар пудрат ишлари танловда иштирок этаётганда объектнинг таклиф этаётган қийматини, қурилиш-монтаж ишларининг шартномавий баҳолардаги тўғридан-тўгри қиймати сифатида қўшимча қиймат солиғисиз белгилаши зарур. Талабгор, қурилиш-монтаж ишларининг тўгридан-тўгри қийматига нисбатан доимий коэффициент сифатида қулланиладиган бошқа (прочие) харажатлар қийматини мустақил аниклайди ва ишлар қийматига киритади.
8.2. Иккинчи ва кейинги йилларга утувчи иншоотлар бўйича, талабгор қурилиш (реконструкция, таъмирлаш) нинг шартномавий нархини аниқлашда қўлланилган асосий нархларни ташкил киладиган компонентлар жадвалини тўлдиради. Бунда компонентлар микдори чекланмайди ва пудратчи томонидан танловга қўйилган иншоотнинг техник характеристикаларидан келиб чиққан ҳолда мустақил равишда белгиланади. Компонентлар ва асосий қурилиш материалларнинг номенклатураси хар бир иншоот бўйича улар нархининг камида 70% ни ташкил этувчи, нархларни шакллантирувчи асосий компонентларни ҳисобга олган ҳолда белгиланади,
8.3. Танлов иштирокчиси бахоланган материаллар сарфи ведомости ва ишлар хажми, асосий нархларни ташкил қиладиган компонентлар жадвалини босма кўринишда, бузмаган ва тузатиб тақдим этиши зарур.
8.4. Танлов таклифида ёзма равишда кўрсатилган нарх билан рақамларда кўрсатилган нарх бир- биридан фарқ қилса, бундай холларда ёзма равишда кўрсатилган нарх кабул килинади.
8.5. Бирликдаги иш хажми (ресурси) нархи билан умумий иш хажми (ресурси) нархи фарк қилса, бундай ҳолларда бирликдаги иш хажми (ресурси) нархи қабул қилинади. Ишнинг нархи билан ресурслар нархи фарк қилганда, ресурслар нархи билан аниқланган ишнинг нархи қабул қилинади.
8.6. Танлов натижасига кўра аниқланган қурилишнинг нархи ўзгартирилмайди, қонунда белгиланган ҳолатлар (буюртмачи томонидан ишлар хажмининг ўзгартирилиши, енгиб бўлмайдиган кучлар мавжуд бўлганда, қурилишнинг муддати бир йилдан ортиқ) бундан мустасно.
8.7. Иккинчи ва ундан кейинги молиявий йилларда шартнома баҳосига тузатиш киритиш, асосий нарх белгиловчи компонентлар нархи ўзгарган тақдирда, қонунда белгиланган татибда амалга оширилади.