Республикаси олий ва ўрта махсус таълим вазирлиги

Назорат саволлари

1. 
   Телекоммуникацияни бошқариш тармоғини вазифаси нимадан иборат?
   
2. 
   TMN архитектурасини тушунтиринг?
   
3. 
   Тармоқни бошқариш платформаси қандай масалаларни ечиш учун мўлжалланган?
   

9-МАЪРУЗА


МУЛЬТИМЕДИЯЛИ АЛОҚА ТАРМОҚЛАРИНИ МОДЕЛЛАШТИРИШ


Режа:

1. 
   Мультимедиали тармоқни моделлаштиришни математик усуллари.
   
2. 
   Мультисервисли тармоқларнинг математик моделини тайёрлаш тизимини қуришнинг асосий концепциялари
   

3. 
   Мультисервисли тармоқларнинг моделини тайёрлашнинг математик усуллари
   

Мультисервисли тармоқларни таҳлил қилиш ва лойиҳалаш вазифалари ихтисослашган дастурий воситаларни ишлаб чиқишини ва уларнинг моделини тайёрлашнинг иахсус технологияларидан фойдаланишни талаб этади. Математик моделлаштиришнинг инструментал воситаларидан фойдаланиш технологияси ( 9.1-расм) ўз ичига қуйидаги босқичларни олади:

• 
  тадқиқ этилаётган тизимни таҳлил қилиш ва уни моделлашнинг мақсадларини ифодалаш;
  
• 
  тадқиқ этилаётган тизим параметрларининг зарур тўпламини тавсифловчи концептуал моделб (КМ) ни ясаш;
  
• 
  концептуал модель объектларини дастурий моделнинг объектлари тўпламига акслантиришдан иборат бўлаг тадқиқи этилаётган тизимнинг дастурий модели (ДМ) ни ясаш;
  

9.2-расм. Мультисервисли тармоқларнинг математик моделини тайёрлашнинг умумий схемаси

• 
  дастуриймодель билан тажриба ўтказиш (унинг дастурий кодини бажариш);
  
• 
  моделлар билан ўтказилган тажрибаларнинг натижаларини таҳлил қилиш ва талқин қилиш;
  
• 
  лойиҳавий ва бошқарув қарорларини қабул қилиш.
  

Текширилаётган тизимнинг концептуал ва дастурий моделларини ясаш мос объектлар тўпламини (моделли ва дастурий) танлашдан ва улар ўртасида текширилаётган тизим элементлари алоқалари тузилишига мос келувчи алоқалар тузилмаси ўрнатилишидан иборат.
Мультисервисли тармоқларнинг математик моделини тайёрлаш тизимида математик модель маълум бир танланган концептуал модель доирасида тавсифланади. Концептуал модель – модели тайёрланаётган тизимнинг кириш парамтерлари тўпламини, фаолият юритиш алгоритмларини, шунингдек, моделни тайёрлаш мақсадлари – модель тайёрланадиган тизимнинг тадқиқ этилаётган параметрлари тўпламини тавсифловчи математик объект. Концептуал моделга дастурий модель мос қўйилади (модель тайёрлашда фойдаланиладиган объектларнинг маълум бир тузилмаси бўлиб, у концептуал моделни дастур кўринишида амалга оширади).
Ишлаб чиқилган дастурий моделнинг компьютерда бажарилиши модель билан моделли тажриба сифатида аниқланади. Моделли тажриба модели тайёрланаётган параметрларининг баҳоларини берилган аниқликда ҳисоблашни таъминлайди. Мультисервисли тармоқларни таҳлил қилиш масалаларининг мураккаблиги, мураккаб тизимларнинг математик моделини тайёрлаш методларининг ривожланиш даражаси, ҳисоблаш техникаси унумдорлигининг даражаси ва моделларни тайёрлаш дастурий воситаларининг ривожланиш даражаси гибрид модель тайёрлаш методларидан фойдаланиш эҳтиёжини юзага келтиради. Бу методларнинг моҳияти бундай масалаларни ечиш учун турли жинсли математик моделларни таҳлил қилишдан иборат. Гибрид моделлардан фойдаланишнинг долзарблиги яна шу билан тасдиқланадики, мультисервисли тармоқларнинг тадқиқ этилаётган параметрларининг барча тўпламини математик моделларнинг бир синфида адекват равишда тавсифлаш, ундан ташқари сонли баҳоларни олиш амалий жиҳатдан мумкин эмас.