Ревматизм хакида тушунча

Ревматизмнинг кечиши

• Ревматизм актив ва ноактив фазада кечиб 3 активлик даражага булинади.

I - минимал

II - уртача минимал

III- максимал даража

Хар бир активлик даражаси узига хос клиник белгилари ва лаборатор курсаткичлари билан намоён булади.

• III-чи даражали активлик фазада яллигланишнинг экссудатив компоненти устун туради, бу фазада юкори харорат кузатилади, ревмокардит, полисерозит, бугим синдромларининг клиникаси яккол куринади. Кардитнинг белгилари ФКГ, ЭКГ ва рентгенограммада аник куринади. Лабораторияда - нейтрофил лейкоцитоз 10 х 109 /л, ЭЧТ 40 мм/с ортик булади, С – реактив оксил кескин мусбат, зардоб глобулинлари 25% дан ортик, антистрептококк антителоларнинг микдори 2 – 3 марта ортади.
• II- даражали активлик фазада клиник, рентгенологик, ЭКГ белгилари уртача ифодаланган булади, харорат кутарилмаслиги хам мумкин. Лаборатория курсаткичлари уртача ортади – лейкоцитлар 8-109 /л, ЭЧТ 20-40 мм/с, антистрептококкли антителалар 1,5-2 марта кутарилади.
• I–активлик даражада касалликнинг активлик белгилари булмайди, клиник, инструментал-лаборатор белгилари суст ифодаланган булади.
• Ноактив фаза (атакадан кейинги давр) купчилик беморларда шикоятлар ва клиник белгилари булмайди. Факат баъзи бир беморларда субфебрил харорат булиши, секин асталик билан кардит белгилари ривожланиб сурункали турига утади, кейинчалик эса клапанлар пороги ва кардиосклероз ривожланади. Ноактив фаза бир неча ойдан бир неча йилларгача давом этиши мумкин.

Ревматизмнинг кечиши

• Ревматизм касаллиги кечиши буйича 5 та вариантга булинади.
• Уткир кечиши – касалликнинг симптомлари тез авжига чикиб тез кайтади ва III – II даража активлик белгилари 2 – 3 ой давомида сакланади, даволаш муолажалари яхши самара беради.
• Ним уткир кечиши – симптомлар аста–секин ривожланиб, уртача активлик клиник белгилари узок сакланади (3-6 ойгача).
• Чузилувчан кечиши клиник симптомлари узок вакт сакланиб колиб (6 ойдан купрок) тула ремисия бермайди, антиревматик терапиядан суст ва нотургун самара беради.
• Тухтовсиз-кайталанувчи кечиши – тез- тез кайталаниб туради, тула ремиссия бермайди, касаллик белгилари бир йил ва ундан купрок давом этади.
• Латент – касаллик яширин кечади, активлик даражаси булмайди, диагноз факат порок хосил булгандан кейингина куйилади.